مرمو نے رکھشا بندھن پر ہم وطنوں کو مبارکباد دی

نئی دہلی // صدر دروپدی مرمو نے رکھشا بندھن کے پرمسرت تہوار پر ہم وطنوں کو مبارکباد اور نیک خواہشات پیش کی ہیں۔
محترمہ مرمو نے اپنے پیغام میں کہا کہ "رکشا بندھن کے پرمسرت موقع پر میں ہندوستان اور بیرون ملک رہنے والے تمام ہم وطنوں کو دلی مبارکباد اور نیک خواہشات پیش کرتی ہوں۔”
انہوں نے کہا کہ رکھشا بندھن کا یہ مقدس تہوار بھائی بہن کے درمیان اٹوٹ محبت اور اعتماد کی علامت ہے ، جس سے معاشرے میں ہم آہنگی اور تعاون کا جذبہ بڑھتا ہے ۔
انہوں نے کہاکہ "یہ تہوار ہمیں اپنے شاندار ثقافتی ورثے اور اخلاقی اقدار کو محفوظ رکھنے کا موقع فراہم کرتا ہے ۔ یہ تہوار ماؤں، بہنوں اور بیٹیوں کے احترام اور تحفظ کا پیغام دیتا ہے ۔ آئیے ، اس پرمسرت موقع پر ہم سب مل کر ایک خوشحال ہندوستان کی تعمیر کا عہد کریں، جہاں ہر عورت محفوظ ہو اور ملک کی ترقی میں اپنا اہم حصہ ڈال سکے ۔”