پیٹرول اور ڈیزل کی قیمتیں 132 اور دن بھی مستحکم

نئی دہلی، 16 مارچ (یو این آئی) روس-یوکرین بحران کی وجہ سے بین الاقوامی سطح پر خام تیل کی قیمتوں میں مسلسل اتار چڑھاؤ کے باوجود گھریلو سطح پر آج مسلسل 132ویں دن بھی پٹرول اور ڈیزل کی قیمتیں مستحکم رہیں ۔ خام تیل کی قیمتوں میں اچھال روس یوکرین کے بحران کے بعد ہی شروع ہو گیا تھا بین الاقوامی مارکیٹ میں خام تیل کی قیمت منگل کے مقابلے آج 2.90 فیصد اضافے کے ساتھ 102.81 ڈالر فی بیرل رہی مرکزی حکومت کی جانب سے پٹرول اور ڈیزل پر ایکسائز ڈیوٹی میں بالترتیب 5 روپے اور 10 روپے کی کمی کےاعلان بعد 04 نومبر 2021 کوایندھن کی قیمتوں میں تیزی سے کمی آئی تھی ۔ اس کے بعد ریاستی حکومتوں کے ویلیو ایڈڈ ٹیکس ( وی اے ٹی) کو کم کرنے کے فیصلے کے بعددارالحکومت دہلی میں وی اے ٹی کو کم کرنے کا فیصلہ کیا گیا ہے۔ اس کے بعد دارالحکومت میں 02 دسمبر 2021 کو پٹرول تقریباً آٹھ روپے سستا ہو گیا۔ تاہم ڈیزل کی قیمتوں میں کوئی تبدیلی نہیں ہوئی۔
مرکز کی جانب سے ایکسائز ڈیوٹی میں کٹوتی کرنے کے بعد زیادہ ترریاستی حکومتوں اورمرکز کے زیر انتظام علاقوں نے بھی پٹرول اور ڈیزل پر ویلیو ایڈڈ ٹیکس ( وی اے ٹی) کو کم کر دیا تھا ، جس سے عام آدمی کو بڑی راحت ملی تھی۔
بین الاقوامی سطح پر نیویارک میں برینٹ کروڈ 2.90 فیصد اضافے کے ساتھ 102.81 ڈالر فی بیرل پرتھا، جبکہ امریکی خام تیل 1.94 فیصد اضافے کے ساتھ 98.31 ڈالر فی بیرل پررہا۔
پیٹرول اور ڈیزل کی قیمتوں کا یومیہ جائزہ لیا جاتا ہے اور اس کی بنیاد پر نئی قیمتیں روزانہ صبح 6 بجے سے لاگو ہوجاتی ہیں۔