بیجنگ//)
چین میں شدید بارشوں اور لینڈ سلائیڈنگ کی وجہ سے 4 افراد ہلاک جبکہ 8 لاپتہ ہوگئے۔
بین القوامی میڈیا کے مطابق چین کے دارالحکومت بیجنگ اور نزدیکی صوبوں میں شدید بارشوں کا سلسلہ جاری ہے، چین کے شمالی صوبے ہیبی میں لینڈ سلائڈنگ کی وجہ سے 4 افراد ہلاک ہوگئے جبکہ 8 تاحال لاپتہ ہیں۔
امدادی ٹیموں نے سیلابی صورتحال کی وجہ سے 4 ہزار 400 افراد کو محفوظ مقام پر منتقل کردیا ہے۔
شمالی چین میں گزشتہ سالوں کے مقابلے اس بار زیادہ بارشیں دیکھنے میں آئیں ہیں، چینی سائنسدانوں نے خیال ظاہر کیا ہے کہ ان شدید بارشوں کی وجہ عالمی درجہ حرارت میں اضافہ ہے۔
چین کے مرکزی محکمہ موسمیات نے اگلے 3 دن مزید بارشوں کی پیشگوئی کی ہے جبکہ حکومت نے مزید سیلاب آنے کے حوالے سے الرٹ بھی جاری کر دیا ہے۔
