زخمی رشبھ پنت ٹیسٹ سیریز سے باہر، این جگدیسن ٹیم میں شامل

مانچسٹر// اسٹار وکٹ کیپر بلے باز رشبھ پنت انجری کے باعث انگلینڈ کے خلاف جاری ٹیسٹ سیریز سے باہر ہو گئے ہیں۔ تمل ناڈو کے وکٹ کیپر بلے باز این جگدیسن کو پانچویں اور آخری ٹیسٹ میچ کے لیے ہندوستانی ٹیم میں شامل کیا گیا ہے۔
ہندوستانی کرکٹ ٹیم کے ہیڈ کوچ گوتم گمبھیر نے زخمی پنت کے پانچویں ٹیسٹ میں کھیلنے کی قیاس آرائیوں کو ختم کرتے ہوئے کہا ’’رشبھ پہلے ہی سیریز سے باہر ہو چکے ہیں۔‘‘
انہوں نے پنت کے بے مثال صبر اور جذبے کی تعریف بھی کی اور اپنے ناقابل فراموش لمحے کو یاد کیا جب پنت نے پیر میں فریکچر کے باوجود بلے بازی کی تھی۔
انہوں نے کہا کہ پنت نے ٹیم اور ملک کے لیے جو کیا ہے، اس کے بارے میں نسلیں اس پر بات کریں گی ۔ بہت کم لوگوں نے ٹوٹے ہوئے پیر کی ساتھ ب لے بازی کی ہے۔ ان کی جتنی بھی تعریف کی جائے وہ ان کی ہمت کے ساتھ انصاف نہیں کرپائے گی۔
جگدیشن پانچویں ٹیسٹ میچ سے قبل منگل کو لندن پہنچیں گے اور ہندوستانی ٹیم میں شامل ہوں گے۔ جگدیشن ایک طویل عرصے سے انڈیا اے سیٹ اپ کا حصہ رہے ہیں۔ انہوں نے رنجی ٹرافی کے لگاتار دو سیزن میں شاندار کارکردگی کا مظاہرہ کیا ہے۔سال 24-2023 میں، انہوں نے 13 اننگز میں 74.18 کی اوسط سے 816 رنز بنائے۔ جبکہ اگلے سیزن یعنی 25-2024میں جگدیشن نے 56.16 کی اوسط سے 674 رنز بنائے جس میں دو سنچریاں اور پانچ نصف سنچریاں شامل ہیں۔
جگدیشن کا 2016 میں فرسٹ کلاس ڈیبیو کرنے کے بعد سے ایک شاندار ڈومیسٹک ریکارڈ ہے، انہوں نے فرسٹ کلاس کرکٹ میں 79 اننگز میں 47.50 کی اوسط سے 10 سنچریوں اور 14 نصف سنچریوں کی مدد سے 3373 رنز بنائے ہیں، جن میں چنڈی گڑھ کے خلاف 321 رنز کی اننگز بھی شامل ہے، جو جنوری میں چنڈی گڑھ کے خلاف ان کا بہترین اسکور ہے۔