جڈیجہ اور سندر سنچریاں مکمل کرنے کے حقدارتھے: گل

مانچسٹر// ہندوستانی کپتان شبھمن گل نے کہا کہ رویندر جڈیجہ اور واشنگٹن سندر اپنی سنچریاں مکمل کرنے کے حقدار تھے۔
چوتھا ٹیسٹ میچ ڈرا ہونے کے بعد پریس کانفرنس کرتے ہوئے گیل نے کہا کہ پانچویں دن ہندوستان کی اننگز کے 138 اوورز کے بعد جب رویندر جڈیجہ (89) اور واشنگٹن سندر (80) سنچریوں کے قریب تھے تو انگلینڈ کے کپتان بین اسٹوکس نے ہندوستان سے ڈرا کے بارے میں پوچھا لیکن تب دونوں بلے بازوں کو ڈریسنگ روم سے یہ پیغام بھیجا گیا کہ وہ کھیل جاری رکھیں۔
گل نے کہا ’’پہلے دو وکٹ گنوانے کے بعد اس طرح کی کارکردگی ناقابل یقین ہے۔ جڈیجہ اور واشنگٹن دونوں سنچری کے قریب تھے، اس لیے ہم نے سوچا کہ یہ دونوں سنچری کے مستحق ہیں۔‘‘
انہوں نے کہا کہ ہر ٹیسٹ میچ آپ کو کچھ نہ کچھ سکھاتا ہے، بطور ٹیم اس سیریز نے ہمیں بہت کچھ سکھایا ہے، امید ہے کہ ہم اگلا میچ جیت کر سیریز ڈرا کرنے میں کامیاب ہوں گے۔
ہندوستانی کپتان نے کہا کہ’’ اس سے کوئی فرق نہیں پڑتا کہ آپ نے ماضی میں کتنے رنز بنائے، میں صرف اپنی بہترین کرکٹ کھیلنے پر توجہ دیتا ہوں اور اپنی بیٹنگ سے لطف اندوز ہونے کی کوشش کرتا ہوں، ہم نے پہلی اننگز میں اچھا اسکور کیا لیکن ایسی پچ پر یہ ضروری ہے کہ جب بلے باز سیٹ ہوں تو ایک یا دو بڑی اننگز آئیں تاکہ میچ کو مخالف ٹیم کے ہاتھوں سے نکالا جاسکے۔ ہم دوسری اننگز میں یہ کرنے میں کامیاب رہے۔‘‘