ہندوستانی صنعت کو آزاد تجارتی معاہدے سے بھرپور فائدہ اٹھانا چاہئے : پیوش گوئل

ممبئی//تجارت اور صنعت کے وزیر پیوش گوئل نے ہندوستانی صنعت سے اپیل کی ہے کہ وہ ہندوستان کی طرف سے دوسرے ممالک کے ساتھ کئے گئے حالیہ آزاد تجارتی معاہدے (مختلف ایف ٹی اے ) سے پیدا ہونے والے وسیع عالمی مواقع سے فائدہ اٹھانے کی ہر ممکن کوشش کرے ۔
مسٹر گوئل نے ہندوستانی صنعتوں اپیل کی کی کہ وہ اپنی مصنوعات کے معیار کو عالمی معیارات کے برابر رکھیں اور بین الاقوامی مارکیٹ میں اپنی مسابقت کو بڑھائیں۔ وہ ممبئی میں صنعتی ادارہ ایسوچیم کی طرف سے منعقدہ ایک پروگرام سے خطاب کر رہے تھے جس کا عنوان [؟]عالمی سطح پر اثرات پیدا کرتے ہوئے -ایک وکست بھارت کے ہدف کی جانب[؟] تھا۔ اس پروگرام میں ایسوچیم کی منیجنگ کمیٹی اور تنظیم کے سینئر ممبران نے شرکت کی۔
قابل ذکر ہے کہ ہندوستان نے حال ہی میں آسٹریلیا، متحدہ عرب امارات (یو اے ای) اور یوروپین فری ٹریڈ ایسوسی ایشن (ای ایف ٹی اے ) کے ساتھ تجارتی معاہدوں پر دستخط کیے ہیں۔
حالیہ دنوں میں ہندوستان کی بین الاقوامی اشیا اور خدمات کی تجارت میں تیزی سے اضافہ ہوا ہے اور ہندوستان کی مجموعی برآمدات گزشتہ مالی سال میں 825 بلین ڈالر تک پہنچ گئی ہیں، جو سال بہ سال چھ فیصد کی ترقی کو ظاہر کرتی ہے ۔