سری لنکا کے وفد کی خارجہ سکریٹری وکرم مسری سے ملاقات

نئی دہلی// 14 سیاسی جماعتوں پر مشتمل سری لنکا کے 24 رکنی وفد نے بدھ کے روز قومی دارالحکومت میں ہندستان کے خارجہ سکریٹری وکرم مسری سے ملاقات کی۔
دو ہفتوں کے لیے یہ وفد ہندوستان کے دورے پر ہے اور اس کا مقصد "پڑوسی پہلے ” کی پالیسی کے تحت ہند -سری لنکا شراکت داری کو مزید مضبوط بنانا ہے ۔
وزارت خارجہ کے ترجمان رندھیر جیسوال نے سوشل میڈیا پلیٹ فارم ‘ ایکس’ پر ایک پوسٹ میں لکھا کہ 14 سیاسی جماعتوں کے نوجوان رہنماؤں پر مشتمل سری لنکا کے 24 رکنی وفد نے ہندوستان میں دو ہفتوں کے پروگرام کا آغاز کرتے ہوئے خارجہ سکریٹری وکرم مسری سے ملاقات کی۔ خارجہ سکریٹری نے ہند-سری لنکا شراکت داری کو مضبوط بنانے میں "پڑوسی پہلے ” پالیسی کے تحت اسٹیک ہولڈرز کی حیثیت سے اہم کردار پر زور دیا۔ انہوں نے مزید کہا کہ سری لنکا کے وفد کا یہ دورہ اپریل 2025 میں وزیر اعظم نریندر مودی کے ‘ نہایت مفید’ دور ہ کے بعد ہو رہا ہے ۔ رندھیر جیسوال نے کہا کہ وزیر اعظم مودی کے اس دورے نے ہندوستان کی‘ پڑوسی پہلے ’ پالیسی اور سمندر پر مبنی وژن کے تحت سری لنکا کی اہمیت کو مزید اجاگر کیا۔