اٹلی میں شدید گرمی کے باعث الرٹ جاری

روم //
اٹلی میں شدید گرمی کے باعث روم، میلان اور ٹیورن سمیت 12 بڑے شہروں میں ریڈ الرٹ جاری کر دیا گیا ہے۔اطالوی حکام کے مطابق متعدد علاقوں میں درجہ حرارت 40 ڈگری سیلسیس تک پہنچنے کا امکان ہے۔
وزارت صحت نے آج اور اگلے اختتام ہفتہ تک روم، میلان اور ٹورین سمیت 12 بڑے شہروں کے لیے ریڈ الرٹ جاری کیا ہے۔ انہوں نے کہا کہ ریڈ الرٹ کے تحت آنے والے شہروں کی تعداد آج 17 اور اتوار تک 21 ہونے کی توقع ہے۔
اٹلی کے محکمہ موسمیات کی رپورٹ کے مطابق اٹلی میں اوسط درجہ حرارت بڑھ کر 16.9ڈگری سیلسیس ہو گیا ہے جب کہ 50 سال پہلے یہ 14.6ڈگری سیلسیس تھا۔
محکمہ کے ماہر موسمیات لورینزو ٹیڈس نے درجہ حرارت میں اس اضافے کی وجہ سمندر کے بلند درجہ حرارت کو قرار دیا ہے۔
انہوں نے کہا، "حالیہ برسوں تک سمندر کی فضاء قدرتی درجہ حرارت کے ریگولیٹر کے طور پر کام کرتی تھی، مگر اب یہ حرارت بڑھانے کا باعث بن گئی ہے۔