اسٹار فٹبالر کرسٹیانو رونالڈو پر پیسوں کی بارش

لندن //
کرسٹیانو رونالڈو کی عمر بڑھنے کے ساتھ ان کی تنخواہ میں مسلسل اضافہ ہو رہا ہے۔ پرتگال کے اسٹار فٹبالر رونالڈو اس وقت موضوع بحث ہیں۔ انہوں نے سعودی پرو لیگ میں النصر فٹ بال کلب کے ساتھ اپنے معاہدے میں توسیع کر دی ہے۔ رونالڈو 2027 تک النصر کے ساتھ رہیں گے۔ النصر کلب نے ان پر پیسوں کی بارش کردی ہے۔ رونالڈو کو اس کلب سے سالانہ 2000 کروڑ روپے کی تنخواہ ملے گی۔
اسٹار فٹبالر کرسٹیانو رونالڈو کا شمار دنیا کے بہترین فٹبال کھلاڑیوں میں کیا جاتا ہے۔ رونالڈو کو دیکھنے کے لیے لوگ دور دور سے اسٹیڈیم آتے ہیں۔ وہ اپنے شاندار کھیل سے شائقین کو محظوظ کرتے ہیں۔ وہ پچھلے کئی سالوں سے فٹ بال کے میدان میں ہیں۔ فی الحال، رونالڈو اور لیونل میسی کے درمیان موازنہ کیا جا رہا ہے، جو موجودہ وقت کے اسٹار کھلاڑی ہیں. رونالڈو نے النصر کلب کے ساتھ اپنے معاہدے میں 2 سال کی توسیع کر دی ہے۔ اس سے وہ بڑی رقم کما رہا ہے۔