راجباغ سڑک حادثے میں کپوارہ کا ۳۶سالہ شخص فوت

سرینگر//
سرینگر کے راج باغ علاقے میں جمعے کی صبح شمالی ضلع کپوارہ سے تعلق رکھنے والے ایک۳۶سالہ راہگیر کو نا معلوم گاڑی نے ٹکر مار کر ابدی نیند سلا دیا۔
ذرائع نے بتایا کہ راجباغ سرینگر میں جمعے کی صبح ایک نا معلوم گاڑی نے ایک۳۶سالہ شخص کو ٹکر مار دی جس کے نتیجے میں اس کی موت واقع ہوگئی۔
ذرائع نے کہا کہ گرچہ مذکورہ شخص کو نزدیکی ہسپتال پہنچایا گیا لیکن وہاں ڈاکٹروں نے اس کو مردہ قرار دیا۔
متوفی کی شناخت بشیر احمد بٹ ساکن درگمولہ کپوارہ کے بطور ہوئی ہے ۔
دریں اثنا پولیس حادثے میں ملوث دو چھوٹے بچوں کے والدین کو گرفتار کیا ہے ۔ان پر نابالغ بچوں کو گاڑی دینے کا الزام ہے۔