گوتم گمبھیر ہندوستانی ٹیم کے ساتھ کل پھر سے جڑیں گے

لندن//(آئی این ایس) ہندوستان بمقابلہ انگلینڈ کے درمیان جمعہ کو شروع ہونے والے ٹیسٹ میچ سے قبل ہندوستانی ٹیم کے ہیڈ کوچ گوتم گمبھیرکل پھر سے ٹیم کے ساتھ جڑ جائیں گے۔
گوتم گمبھیر اسپتال میں داخل والدہ کی خراب صحت کی وجہ سے 11 جون کو انگلینڈ سے دہلی واپس آئے تھے۔ گمبھیر کی غیر موجودگی میں ریان ٹین ڈوسچیٹ، اسسٹنٹ کوچ سیتانشو کوٹک اور بولنگ کوچ مورنے مورکل نے ٹیم کی تیاریوں کی نگرانی کی۔ انڈیا اے کے کوچ رشیکیش کانیتکر بھی ان کے ساتھ تھے۔ خیال کیا جا رہا ہے کہ گمبھیر کی والدہ کی صحت میں اب بہتری آئی ہے اور وہ منگل کو ہندوستانی ٹیم کو جوائن کریں گے۔
گمبھیر کو پہلے ٹیسٹ کے پیش نظر ٹیم مینجمنٹ کے ساتھ کچھ اہم فیصلے لینے ہوں گے۔ جسپریت بمراہ کو پانچ میں سے تین ٹیسٹ کھیلنے ہیں۔ لیکن یہ واضح نہیں ہے کہ وہ کون سے تین میچ کھیلیں گے۔ اس کے علاوہ سائی سدرشن اور واپسی کررہے کرون نائر کی کی حالیہ کارکردگی کے پیش نظر آپشنز پر غور کرنا ہوگا۔ دھرو جورل اور ابھیمنیو ایشوارن بھی اچھی فارم میں ہیں۔ نتیش کمار ریڈی اور شاردول ٹھاکر کے درمیان انتخاب کے بارے میں بھی فیصلہ کرنا ہوگا۔