ریکھا گپتا نے طیارہ حادثے کو انتہائی تکلیف دہ قرار دیا

نئی دہلی// دہلی کی وزیر اعلیٰ ریکھا گپتا نے احمد آباد میں ہوائی جہاز کے حادثے کو دردناک اور صدمہ پہنچانے والا قرار دیا ہے اور سوگوار خاندانوں سے گہری تعزیت کا اظہار کیا ہے ۔
مسز گپتا نے جمعرات کو ‘ایکس’ پر کہاکہ "احمد آباد میں ایئر انڈیا کے طیارے کے حادثے کی خبر انتہائی تکلیف دہ اور صدمہ دینے والی ہے ۔ میں تمام مسافروں اور ان کے اہل خانہ کے تئیں اپنی گہری تعزیت کا اظہار کرتی ہوں۔ میں ایشور سے دعا کرتی ہوں کہ تمام مسافر محفوظ رہیں اور زخمی جلد صحت یاب ہوں۔”
انہوں نے کہا کہ اس مشکل وقت میں ہم پوری حساسیت کے ساتھ تمام متاثرہ خاندانوں کے ساتھ کھڑے ہیں۔
دہلی کے کابینہ وزیر پرویش صاحب سنگھ نے کہاکہ”احمد آباد میں ہوائی جہاز کے حادثے کی خبر انتہائی تکلیف دہ ہے ۔ میں ان خاندانوں سے گہری تعزیت کرتا ہوں جنہوں نے اس حادثے میں اپنے پیاروں کو کھو دیا ہے ۔ ایشور سوگوار خاندانوں کو یہ ناقابل برداشت غم برداشت کرنے کی طاقت دے اور زخمیوں کو جلد صحت یاب کرے ۔”