گٹیریس نے کی آسٹریا کے شہر گراتز میں اسکول فائرنگ کی مذمت

اقوام متحدہ//
اقوام متحدہ کے سکریٹری جنرل انتونیو گٹیریس نے منگل کو آسٹریا کے شہر گراتز میں اسکول میں فائرنگ کی مذمت کی۔واضح رہے کہ اس حملے میں دس افراد ہلاک اور متعدد زخمی ہوئے تھے۔ مسٹر گٹیریس کے ترجمان اسٹیفن ڈوجارک نے کہا کہ سکریٹری جنرل اسکول میں ہونے والی فائرنگ سے کافی غمزدہ ہیں اور انہوں نے ’تشدد کے اس احمقانہ عمل‘ کی شدید مذمت کی ہے۔ مسٹر گٹیریس نے متاثرین کے خاندانوں، گیراتز کے لوگوں اور آسٹریا کی حکومت سے دلی تعزیت کا اظہار کیا ہے۔ انہوں نے کہا کہ وہ تمام زخمیوں کی جلد اور مکمل صحت یابی کی تمنا کرتے ہیں۔