بلاسپور میں زبردست آگ: تقریباً 24 دکانیں جل کر خاکستر

بلاس پور //
چھتیس گڑھ کے بلاس پور ضلع کے شنیچری بازار میں بدھ کی صبح 3 بجے زبردست آگ لگنے سے تقریباً 24 دکانیں جل کر خاکستر ہوگئیں۔
آگ لگنے کی اطلاع ملنے کے بعد فائر بریگیڈ کی ٹیم موقع پر روانہ ہوئی۔ فائر بریگیڈ کے اہلکاروں آگ بجھانے میں مصروف ہوگئے ہیں ۔ تنگ گلیوں کی وجہ سے فائر بریگیڈ کو آگ پر قابو پانے میں دشواری کا سامنا ہے۔ اس واقعہ میں تاجروں کو بڑا نقصان ہونے کا خدشہ ہے۔
موصولہ اطلاعات کے مطابق زبدست آگ لگنے سے تیل، کاسمیٹکس اور گروسری کی تقریباً 24 دکانیں جل کر خاکستر ہوگئیں۔ خدشہ ظاہر کیا جا رہا ہے کہ آگ شارٹ سرکٹ کے باعث لگی ہو گی۔ آگ لگنے سے تاجروں کو ہونے والے نقصان کا ابھی تک اندازہ نہیں لگایا جاسکا ہے۔
پولیس نے مقدمہ درج کر لیا ہے اور تفتیش میں مصروف ہے۔