سیتا رمن نے آسٹریا کے وفاقی وزیر خزانہ سے ملاقات کی

نئی دہلی// مرکزی وزیر خزانہ نرملا سیتارامن نے ویانا میں آسٹریا کے وفاقی وزیر خزانہ مارکس مرٹرباؤر سے ملاقات کی اور انہیں ہندوستان کے دورے کی دعوت دی۔
وزارت خزانہ نے کل دیر رات ‘ ایکس ‘ پر یہ اطلاع دیتے ہوئے کہا کہ مسٹر مارٹرباؤر نے آسٹریا اور ہندوستان کو مشترکہ اقدار کے ساتھ قدرتی ساجھیدار قرار دیا۔ مرکزی وزیر خزانہ نے ہندوستانی معیشت کے اہم پہلوؤں، اہم اصلاحات اور پالیسی اقدامات کا اشتراک کیا۔
محترمہ سیتا رمن نے قومی سرمایہ کاری اور انفراسٹرکچر فنڈ کے ذریعے ای-موبلٹی اور سیمی کنڈکٹرز کے شعبوں میں دونوں ملکوں کی اسٹارٹ اپ کمپنیوں کے درمیان سرمایہ کاری اور کاروباری تعاون کے مواقع پر خاص طور پر فنٹیک کے شعبے میں سرمیہ کاری پر روشنی ڈالی ۔
مرکزی وزیر خزانہ نے دونوں ملکوں کے درمیان تعاون کے علاقائی مواقع تلاش کرنے اور ایک دوسرے کے ساتھ بہترین مواقع کا پتہ لگانے اور بہترین روایات کا اشتراک کرنے کی غرض سے مسٹر مارٹرباؤر کو ایک تجارتی وفد کے ساتھ ہندوستان کا دورہ کرنے کی دعوت دی ۔