کارتک کو ‘خصوصی کام’ کے لیے ٹیم میں شامل کیا گیا ہے: دراوڑ

بنگلورو// ہندوستانی کرکٹ ٹیم کے ہیڈ کوچ راہل دراوڑ نے کہا ہے کہ ٹیم میں دنیش کارتک کے کردار کے سلسلے میں کہا کہ انہیں "ایک خاص مہارت کے لئے” چنا گیا ہے۔
تجربہ کار بلے باز کارتک نے راجکوٹ میں چوتھے ٹی ٹوئنٹی میں شاندار نصف سنچری ( 55) اور سیریز کے دوران دو ناٹ آوٹ اننگز کے ساتھ اپنی عمدہ فارم کا مظاہرہ کیا۔ وہ مختصر ترین فارمیٹ میں نصف سنچری بنانے والے زیادہ عمر کے ہندوستانی بلے باز بھی بن گئے۔
جنوبی افریقہ کے خلاف سیریز کا پانچواں اور آخری میچ بارش کے نذر ہونے کے بعد دراوڑ نے کہا، ’’انہیں (کارتک) کو ایک خاص مہارت کے لیے منتخب کیا گیا ہے اور انھیں گزشتہ دو یا تین برسوں میں خاص طور پر اچھی کارکردگی کی بنیاد پر منتخب کیا گیا ہے۔
انہوں نے کہا، "راجکوٹ کے اس میچ میں، جب ہمیں آخری پانچ اووروں میں بڑی کارکردگی کی ضرورت تھی، ہمارا منصوبہ کام کر گیا۔ انہوں نے اور ہاردک پانڈیا نے خوبصورت بلے بازی کی۔ وہ دونوں آخری اوورز تک ہمارےاہم بلے بازرہیں۔ وہ دنیا کے بہترین بلے بازوں کی طرح آخری پانچ یا چھ اوورز کا فائدہ اٹھا سکتے ہیں۔
دراوڑ نے کارتک نے ٹیم میں شامل کیے جانے کے امکانا ت کے سلسلے میں کہا، ”کارتک کو وہ کرتے ہوئے دیکھ کر بہت اچھا لگا جو انہیں کرنے کے لیے منتخب کیا گیا ہے۔ یہ یقینی طور پر ہمارے لیے بہت اچھی بات ہے ۔ اس طرح کی اننگز کا مطلب ہے کہ وہ ٹیم میں اپنی جگہ کے لیے بہت مضبوط دعویٰ کر رہے ہیں۔‘‘