سرینگر/۲۰جون
کشمیر زون پولیس کے انسپکٹر جنرل وجے کمار کا کہنا ہے کہ سال رواں میں اب تک۴۱۱جنگجو مارے گئے جن میں۳۳غیر ملکی جنگجو شامل ہیں۔
کمارنے کہا کہ سال گذشتہ اس مدت کے دوران۲۵جنگجو مارے گئے تھے ۔
ان کا کپوارہ، پلوامہ اور کولگام اضلاع کی تصادم آرائیوں کے بارے میں کہنا تھا کہ کپوارہ اور پلوامہ میں آپریشن ختم ہوچکا ہے جبکہ ضلع کولگام میں آپریشن ہنوز جاری ہے ۔
موصورف نے ان باتوں کا اظہار یہاں نامہ نگاروں کے ساتھ بات کرنے کے دوران کیا۔انہوں نے کہا”اس سال کے دوران اب تک۱۱۴جنگجو مارے گئے جن میں۳۳غیر ملکی جنگجو شامل ہیں“۔
کمار کا کہنا تھا کہ سال گذشتہ کے پہلے پانچ ماہ انیس دنوں کے دوران۵ ۲جنگجو مارے گئے تھے ۔
آئی جی پی نے کہا کہ غیر ملکی جنگجو ¶ں کی تعداد جس قدر کم ہوگی اتنی ہی مقامی جنگجو ¶ں کی تعداد میں بھی کمی واقع ہوگی۔کپوارہ، پلوامہ اور کولگام اضلاع کی تصادم آرائیوں کے بارے میں جانکاری فراہم کرتے ہوئے انہوں نے کہا کہ کپوارہ اور پلوامہ میں انکا ¶نٹر ختم ہوچکے ہیں۔
کمار کا کہنا تھا”کپوارہ پولیس نے شوکت احمد شیخ نامی ایک مقامی جنگجو جس کا تعلق شوپیاں سے ہے ، کو گرفتار کیا جس نے تفتیش کے دوران منکشف کیا کہ لولاب ویلی میں تین پاکستانی جنگجو چھپے ہوئے ہیں“۔
آئی جی پی نے کہا کہ آپریشن کے دوران تینوں پاکستانی جنگجو ¶ں کو مارا گیا اور اس دوران شوکت احمد بھی مارا گیا۔انہوں نے کہا کہ کولگام میں دو جنگجو مارے گئے جبکہ وہاں آپریشن ابھی بھی جاری ہے
