نئی دہلی//وزیراعظم نریندر مودی نے ہفتے کو آسام کے وزیراعلی ہمنت بسوا سرما سے بات کی اور ریاست میں سیلاب کے حالات کا جائزہ لیا۔مسٹر مودی نے مسٹر سرما کو مرکز سے مکمل حمایت اور ہرممکن مدد دینے کی یقین دہانی کرائی ہے۔
مسٹر سرما نے ایک ٹویٹ میں کہا،’’آج صبح چھ بجے،وزیراعظم نریندرمودی جی نے مجھ سے آسام میں سیلاب کے حالات کے بارے میں معلومات لیتے ہوئے بات چیت کی۔میں نے اس قدرتی آفت کی وجہ سے لوگوں کو ہورہی مشکلات کے بارے میں اپنی تشویش کے بارے میں وزیراعظم جی کو مطلع کرایا۔وزیراعظم نے مرکز ی حکومت سے ہر ممکن مدد کی یقین دہانی کی ہے۔
واضح رہے کہ پچھلے پانچ دنوں سے مسلسل بارش کی وجہ سے ریاست کی اہم ندیوں کی آبی سطح خطرے کے نشان سے اوپر بڑھنے کی وجہ سے آئے سیلاب سے ہوجئی اور نگاؤں سمیت 25 ضلعوں میں کم از کم 11 لاکھ لوگ متاثر ہوئے ہیں۔ریاستی حکومت کے اعدادوشمار کے مطابق،72 ریونیو بلاکس کے تحت آنے والے 2930 گاؤں اس وقت سیلاب کی زد میں ہیں۔سیلاب سے ریاست میں اب تک 54 لوگوں کی موت ہوچکی ہے۔
