عمر عبداللہ حکومت نے اسمبلی میں اپنا پہلا بل پیش کیا

سرینگر//
جموں کشمیر کی منتخب حکومت نے ہفتہ کے روز قانون ساز اسمبلی میں اپنا پہلا بل پیش کیا۔
وقفہ سوالات کے بعد وزیر خزانہ عمر عبداللہ کی جانب سے ڈپٹی چیف منسٹر سریندر چودھری نے جموں وکشمیر گڈز اینڈ سروس ٹیکس (ترمیمی) بل۲۰۲۵؍ایوان میں پیش کیا۔
اس بل میں جموں و کشمیر کے جی ایس ٹی قانون کو سینٹرل گڈز اینڈ سروسز ٹیکس قانون میں کی گئی ترامیم کے ساتھ ہم آہنگ کرنے کی کوشش کی گئی ہے۔
یہ ترامیم ریگولیٹری نوعیت کی ہیں یعنی ٹیکس کو ریگولیٹ کرنے کے لیے اور اس طرح بل میں ریکرنگ اور نان ریکرنگ اخراجات شامل نہیں ہیں۔
۲۰۱۸میں جموں و کشمیر میں مرکزی حکمرانی کے نفاذ کے بعد ، جموں و کشمیر اسمبلی کے قانون سازی کے اختیارات پارلیمنٹ کے پاس تھے۔