کوہلی کو آؤٹ کرنا جرم بن گیا، نوجوان کرکٹر کو گالیاں دی جانے لگیں

نئی دہلی//
بھارتی کرکٹ ٹیم کے اسٹار بیٹر ویرات کوہلی کے مداح آپے سے باہر ہوگئے۔
تقریباً ایک دہائی سے زائد عرصے کے بعد ڈومیسٹک میں واپسی کرنیوالے اسٹار بیٹر ویرات کوہلی رنجی ٹرافی کے ایک میچ میں محض 15 گیندوں پر صرف 6 رنز بنا کر آؤٹ ہوئے۔
کوہلی کو ریلوے کے تیز گیند باز ہمانشو سنگوان نے کلین بولڈ کیا تھا، اسکے بعد نوجوان کرکٹر نے جشن منایا جس کی ویڈیوز اور تصاویر خوب وائرل ہوئیں، وہیں کوہلی کے مداح آپے سے باہر ہوگئے۔
سنگوان کے جشن پر کوہلی کے مداحوں نے نوجوان کرکٹر کو سوشل میڈیا سائٹس پر خوب گالیاں دی گئیں اور نازیبا کمنٹس تک کیے گئے۔
بھارتی کرکٹر ویرات کوہلی اس وقت سب سے زیادہ فالو کیے جانے والے کرکٹر ہیں، 36 سالہ تجربہ کار کی نہ صرف ہندوستان میں بلکہ دنیا بھر میں بڑی فین فالوونگ ہے۔
اسٹیڈیم میں کوہلی کی دیکھنے کیلئے 15 ہزار سے زائد شائقین کرکٹ نے اسٹیڈیم کا رخ بھی کیا تھا تاہم وہ میچ میں کوئی خاطر خواہ کارکردگی کا مظاہرہ نہیں کرسکے۔