بی جے پی نے آٹھویں پے کمیشن کی تشکیل کا خیر مقدم کیا

نئی دہلی// بھارتیہ جنتا پارٹی (بی جے پی) کی دہلی یونٹ نے آٹھویں پے کمیشن کی تشکیل کے مرکزی حکومت کے فیصلے کا خیر مقدم کیا ہے ۔
دہلی بی جے پی کے صدر وریندر سچدیوا اور نئی دہلی کی رکن پارلیمنٹ بانسوری سوراج نے ہفتہ کو یہاں نامہ نگاروں سے خطاب کیا اور آٹھویں تنخواہ کمیشن کے قیام کے مرکزی حکومت کے فیصلے کا خیر مقدم کیا۔ اس دوران مسٹر سچدیوا نے کہا کہ سرکاری ملازمین آج وزیر اعظم نریندر مودی کی پالیسیوں اور اسکیموں کے فوائد عوام تک پہنچانے کا ذریعہ بن رہے ہیں، اس لیے وہ شکریہ کے مستحق ہیں۔
اسی دوران محترمہ سوراج نے کہا کہ وزیر اعظم نے آٹھویں پے کمیشن کی تشکیل کا فیصلہ کیا ہے ، جس کی وجہ سے سرکاری ملازمین میں خوشی کا ماحول ہے اور نئی دہلی میں رہنے والے کئی سرکاری ملازمین کل سے انہیں فون کررکے حکومت سے اظہار تشکر کر رہے ہیں۔
انہوں نے کہا کالی باڑی سے قدوائی نگر تک کے سرکاری ملازمین آج مطمئن اور خوش ہیں کہ مودی حکومت نے ان پر بروقت توجہ دی ہے ۔ ’’
محترمہ سوراج نے کہا کہ جہاں سرکاری ملازمین پے کمیشن کی بروقت تشکیل سے ایک بہتر کل دیکھ رہے ، ہیں وہیں پرائیویٹ سیکٹر کے ملازمین بھی پر امید ہیں۔ انہوں نے کہا کہ پے کمیشن کے قیام سے ملازمین اور پنشنرز کو فائدہ ہوگا۔ انہوں نے کہا ” ایک طرف جہاں سرکاری ملازمین پے کمیشن سے براہ راست فائدہ اٹھائیں گے ، وہیں پرائیویٹ سیکٹر کے ملازمین کو بھی بالواسطہ فوائد حاصل ہوں گے اور ان کے کم از کم تنخواہ کے پیمانے وغیرہ میں بھی معقول حد تک اضافہ ہو سکتا ہے ۔ ’’