نئی دہلی//خواتین اور اطفال کی بہبود کی مرکزی وزیر اناپورنا دیوی کل راجستھان کے ادے پور میں چنتن شیویر کا افتتاح کریں گی، جس میں ریاست کے وزیر اعلی بھجن لال شرما اور نائب وزیر اعلی دیا کماری اور ریاستوں و مرکز کے زیر انتظام علاقوں کے خواتین اور بچوں کی بہبود کے محکموں کے وزراء بھی شرکت کریں گے ۔
خواتین اور بچوں کی بہبود کی مرکزی وزارت نے آج یہاں بتایا کہ راجستھان کے ادے پور شہر میں 10 سے 12 جنوری تک ایک چنتن شیور کا انعقاد کیا جا رہا ہے ۔ اس سہ روزہ پروگرام میں اہم اسٹیک ہولڈرز بشمول معززین اور مرکزی حکومت اور ریاستی حکومتوں کے سینئر افسران ایک پلیٹ فارم پر اکٹھے ہوں گے تاکہ ملک بھر میں خواتین اور بچوں کی مجموعی ترقی و بہبود سے متعلق چیلنجوں پر تبادلہ خیال کیا جا سکے اور ان سے نمٹنے کے لیے بہترین ممکنہ حل تلاش کیے جا سکیں ۔
اس پروگرام میں محترمہ اناپورنا دیوی پروگرام کا افتتاح کریں گی اور مذاکرات کی قیادت کریں گی۔ اس موقع پر خواتین اور بچوں کی بہبود کی وزیر مملکت ساوتری ٹھاکر بھی شرکت کریں گی۔
اس پروگرام میں مشن وتسالیہ، مشن شکتی اور مشن سکشم آنگن واڑی اور پوشن سمیت وزارت کے کلیدی اقدامات پر توجہ مرکوز کرنے والے کئی اہم سیشن شامل ہوں گے ۔ مختلف ریاستوں اور مرکز کے زیر انتظام علاقوں سے بہترین پریکٹس پریزنٹیشنز ہوں گی۔
