زیلنسکی، میکرون فرانس میں یوکرین کی مسلح افواج کی تربیت پر متفق ہیں

کیف//
یوکرین کے صدر ولادیمیر زیلنسکی اور ان کے فرانسیسی ہم منصب ایمانوئل میکرون نے فرانس میں یوکرین کی مسلح افواج کی تربیت جاری رکھنے پر اتفاق کیا اور یوکرین میں مغربی فوجیوں کی ممکنہ تعیناتی پر تبادلہ خیال کیا۔
مسٹر زیلنسکی نے جمعرات کو کہا کہ انہوں نے بدھ کو بروسیلز میں اپنے ہم منصب مسٹر میکرون سے ملاقات کی اور فرانس میں یوکرین کی مسلح افواج کو تربیت دینے پر اتفاق کیا۔
اس کے علاوہ یوکرائنی صدر نے دیگر یورپی رہنماؤں کے ساتھ ساتھ نیٹو کے سیکرٹری جنرل مارک روٹے سے بھی ملاقات کی۔
مسٹر زیلینسکی نے’ایکس‘پر لکھا میں نے فرانس کی جانب سے اپنی فوج کے لیے ایک بریگیڈ تیار کرنے پر (میکرو) کا شکریہ ادا کیا، اور ہم نے اس تعاون کو جاری رکھنے اور ایک اور بریگیڈ تیار کرنے پر اتفاق کیا۔ "ہم امید کرتے ہیں کہ دیگر شراکت دار اضافی یوکرین بریگیڈز کو لیس کرنے میں اپنا حصہ ڈال کر اس کوشش میں شامل ہوں گے۔”
یوکرین کے صدر نے کہا کہ دونوں رہنما یوکرین میں مغربی فوجیوں کی تعیناتی کے مسٹر میکرون کے اقدام پر تفصیل سے بات چیت کرتے رہے’جو امن کے راستے کو مستحکم کرنے میں معاون ثابت ہوسکتا ہے۔