حماس کیساتھ جھڑپ میں مزید 2 اسرائیلی فوجی ہلاک

غزہ//
گزشتہ برس 7 اکتوبر کو حماس کے اسرائیل پر حملے میں زخمی ہونے والا اسرائیلی فوجی آج دم توڑ گیا جب کہ ایک اور اہلکار تازہ جھڑپ میں مارا گیا۔
عالمی خبر رساں ادارے کے مطابق اسرائیلی فوج نے اپنے دو اہلکاروں کی ہلاکتوں کی تصدیق کرتے ہوئے بتایا کہ آج ایک جھڑپ میں کیفر بریگیڈ کے سارجنٹ 21 سالہ تمر عثمان مارے گئے۔
اسرائیلی فوج کے بیان میں کہا گیا ہے کہ ہلاک ہونے والا دوسرا فوجی فرسٹ کلاس سارجنٹ یونا کا تعلق میڈیکل کور سے تھا جو 7 اکتوبر 2023 کو حماس کے حملے میں زخمی ہوا تھا۔
بیان میں کہا گیا ہے کہ 23 سالہ یونا نے ایک سال سے زیادہ عرصے تک اپنے زخموں سے جنگ لڑی لیکن جانبر نہ ہوسکے۔
صیہونی فوج کے ترجمان نے مزید بتایا کہ ان ہلاکتوں کے بعد غزہ میں حماس کے ساتھ جھڑپ میں مارے گئے اسرائیلی فوجیوں کی تعداد 381 ہوگئی۔