نئی دہلی// ملک میں دم توڑتے کورونا کے فعال کیسز کی شرح کم ہو کر اب محض 0.08 فیصد رہ گئی ہے۔
صحت اور خاندانی بہبود کی مرکزی وزارت نے منگل کو یہاں بتایا کہ آج صبح 7 بجے تک 180 کروڑ 40 لاکھ 28 ہزار 891 کووڈ ویکسین دی گئی ہیں۔
وزارت نے کہا کہ گذشتہ 24 گھنٹوں میں کورونا کے دو ہزار 568 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد 33 ہزار 917 ہو گئی ہے۔ یہ متاثرہ کیسز کا 0.08 فیصد ہے۔ یومیہ پوزیٹیوٹی ریٹ 0.37 فیصد تک پہنچ گئی ہے۔
وزارت نے کہا کہ اس دوران چار ہزار 722 افراد کو کووڈ سے نجات ملی ہے۔ اب تک مجموعی طور پر چار کروڑ 24 لاکھ 46 ہزار 171 افراد کووڈ سے صحتیاب ہو چکے ہیں۔ ریکوری ریٹ 98.72 فیصد ہے۔
ملک میں گذشتہ 24 گھنٹوں میں سات لاکھ ایک ہزار 773 کووڈ ٹیسٹ کیے گئے ہیں۔ ملک میں اب تک کل 77 کروڑ 97 لاکھ 54 ہزار 516 کووڈ ٹیسٹ کیے جا چکے ہیں۔ گذشتہ 24 گھنٹوں کے دوران کووڈ-19 کی وجہ سے 97 مریضوں کی موت ہوئی ہے اور شرحِ اموات 1.20 فیصد ہے۔
کیرالا میں، پچھلے 24 گھنٹوں میں فعال کیسز کی تعداد 866 کی کمی کے بعد ان کی تعداد کم ہو کر 8800 ہوگئی ہے۔ اس کے ساتھ ہی 1597 افراد کے صحت یاب ہونے کے بعد اس سے چھٹکارا پانے والوں کی تعداد 6446221 ہو گئی ہے جبکہ ہلاکتوں کی تعداد 66886 ہو گئی ہے۔
مہاراشٹر میں فعال کیسز 142 کم ہو کر 6386 پر آ گئے ہیں۔ اس دوران ریاست میں 298 افراد کے صحتیاب ہونے کے بعد اس وبا کو شکست دینے والوں کی تعداد بڑھ کر 7721220 ہو گئی۔ ریاست میں اموات کی تعداد 143753 پر مستحکم ہے۔
کرناٹک میں فعال کیسز کی تعداد 235 کم ہو کر 2460 ہو گئی ہے۔ اس دوران 337 مریضوں کے صحتیاب ہونے کے ساتھ اس وبا سے چھٹکارا پانے والوں کی کل تعداد 3901430 ہو گئی ہے۔ اس کے ساتھ ہی ریاست میں مزید چار مریضوں کی موت سے ہلاکتوں کی تعداد بڑھ کر 40022 ہو گئی ہے۔
تمل ناڈو میں اس دوران 119 تک فعال کیسز کم ہو کر 1054 ہو گئے ہیں جبکہ 204 افراد کے صحتیاب ہونے کے بعد اس وبا سے نجات پانے والوں کی کل تعداد بڑھ کر 3412918 ہو گئی ہے، جبکہ ہلاکتوں کی تعداد 38024 ہے۔
(یو این آئی)