کرناٹک میں بس میں آگ لگنے سے آٹھ مسافر زندہ جل گئے

حیدرآباد// کرناٹک کے کلابرگی کے کملا پورہ گاؤں میں جمعہ کو ایک نجی بس اور منی لاری کے درمیان تصادم میں 8 مسافر زندہ جل گئے اور 12 دیگر زخمی ہوگئے۔
ذرائع کے مطابق یہ حادثہ کلابرگی کے کملا پورہ کے مضافات میں بیدر سری رنگا پٹنہ ہائی وے پر پیش آیا۔ حیدرآباد سے گوا جانے والی بس میں ڈرائیور سمیت 35 افراد سوار تھے جن میں سے دو خاندانوں کے کل 32 افراد بھی سوار تھے۔ تمام متاثرین حیدرآباد کے رہنے والے ہیں اور گوا گھومنے کے لئے جارہے تھے۔
تصادم کے بعد کھائی میں گرنے والی بس کے 12 مسافروں کو اہل علاقہ نے مقامی ہسپتالوں میں پہنچایا۔