فٹنس مسائل شاداب کیلئے ڈرائونا خواب بن گئے

لاہور//
پاکستان کرکٹ ٹیم کے آل راؤنڈر شاداب خان کیلیے فٹنس مسائل ڈراؤنا خواب بن گئے۔آل راؤنڈر کا کہنا ہے کہ جب بھی پرفارمنس کا گراف بلند ہونے لگے کوئی نہ کوئی انجری لاحق ہوجاتی ہے۔
اب ایک بار پھر قومی ٹیم میں کم بیک کو یادگار بنانے کیلیے پراعتماد ہوں۔ تفصیلات کے مطابق قومی ون ڈے ٹیم کے نائب کپتان شاداب خان کا کہنا ہے کہ ویسٹ انڈیز کیخلاف سیریز بہت اہم ہے اچھی کرکٹ کھیلنے کی کوشش کریں گے، ٹیم کا اچھی کمبی نیشن موجود ہے، سب یکجان ہوکر کھیلیں تو نتائج بھی آتے ہیں۔
انکا کہنا تھا کہ وائٹ بال کرکٹ میں ویسٹ انڈیز کی ٹیم سخت چیلنج ثابت ہوسکتی ہے، انجریز کیریئر کا حصہ ہوتی ہیں مگر اب عادی ہو چکا ہوں، بار بار انجریز سے پریشانی اور مایوسی بھی ہوئی، آسٹریلیا کیخلاف سیریز ایک بڑی ٹیم کے سامنے کارکردگی دکھانے کا بڑا موقع تھا مگر فائدہ نہ اٹھاسکا۔