ویسٹ انڈیز نے بنگلہ دیش کو آٹھ وکٹوں سے شکست دی

شارجہ//کرشمہ رام ہیرک کی شاندار گیندبازی اور کپتان ہیلی میتھیوز (34) کی اننگز کی بدولت ویسٹ انڈیز نے جمعرات کو یہاں کھیلے گئے خواتین ٹی 20 ورلڈ کپ کے 13ویں میچ میں بنگلہ دیش کو آٹھ وکٹوں سے شکست دے دی۔
آسان ہدف کے تعاقب میں ویسٹ انڈیز کی ٹیم کے اوپننگ بلے باز کپتان ہیلی میتھیوز اور اسٹیفنی ٹیلر نے پہلے آٹھ اوورز میں 52 رنز جوڑ کر اپنے ارادوں کا اظہار کیا۔ معروفہ اختر نے میتھیوز (34) کو آو¿ٹ کر کے ویسٹ انڈیز کو پہلا جھٹکا دیا لیکن تب تک انڈیز فتح کی طرف قدم بڑھا چکا تھا۔ اسٹیفنی ٹیلر (27) رن پر رٹائرڈ ہرٹ ہوگئیں۔ کیمبل نے 16 گیندوں کا سامنا کرتے ہوئے دو چوکوں کی مدد سے 21 رنز بنائے۔
اس کے بعد ڈینڈرا ڈوٹن نے سات گیندوں پر ایک چوکے اور دو چھکوں کی مدد سے ناقابل شکست 19 رنز بنا کر ویسٹ انڈیز کی فتح پر مہر ثبت کی۔ شنیل ہنری دو رنز بنا کر ناٹ آو¿ٹ رہیں۔ ویسٹ انڈیز نے 12.5 اوورز میں دو وکٹوں پر 104 رنز بنانے کے بعد یہ میچ آٹھ وکٹوں سے جیت لیا۔
بنگلہ دیش کی جانب سے ناہیہ اختر اور معروفہ اختر نے ایک ایک وکٹ حاصل کی۔
اس سے قبل کرشمہ رام ہیرک (17 رنز پر چار وکٹیں) کی کرشماتی گیند بازی کی بدولت ویسٹ انڈیز نے بنگلہ دیش کو 103 رنز تک محدود کر دیا تھا۔
ویسٹ انڈیز کے کپتان ہیلی میتھیوز نے آج یہاں ٹاس جیت کر پہلے گیند بازی کرنے کا فیصلہ کیا۔ اپنے کپتان کے فیصلے کو درست ثابت کرتے ہوئے کرشمہ رام ہیرک نے ویسٹ انڈیز کی جانب سے چار اوورز میں 17 رنز دے کر چار وکٹیں حاصل کیں۔
بیٹنگ کے لیے آنے والی بنگلہ دیش کا آغاز اچھا نہیں تھا اور جیسے ہی اسکور بورڈ میں 18 رنز کا اضافہ ہوا، رام ہیرک نے اوپنر شاتی رانی (نو) کو کیمبل کے ہاتھوں اسٹمپڈ کرا دیا۔ رام ہیرک نے پانچویں اوور میں دوسری اوپنر دلارا اختر (19) کو بولڈ کرکے بنگلہ دیش کو دوسرا جھٹکا دیا۔
اس کے بعد تیسری وکٹ کے لیے کپتان نگار سلطانہ (39) اور شوبھنا مستاری نے محتاط انداز میں کھیلتے ہوئے ٹیم کے اسکور کو 73 رنز تک پہنچا کر اچھے اسکور کی امیدیں جگائیں تاہم رام ہیرک نے پھر اپنا کرشمہ دکھایا اور شوبھنا مستاری کو وکٹ کیپر کیمبل کے ہاتھوں سٹمپ کروا دیا۔ انہیں آو¿ٹ کرکے ویسٹ انڈیز کو تیسری کامیابی ملی۔ مستاری نے 16 رنز بنائے۔ اس کے بعد فلیچر نے 14ویں اوور میں تاج نہر کو کیمبل کے ہاتھوں کیچ کروا کر ویسٹ انڈیز کو چوتھی کامیابی دلائی۔ اگلے ہی اوور میں اسی سکور پر فلیچر نے شورنا اختر کو صفر پر بولڈ کر دیا۔ رام ہیر ک نے رتو مونی کو ہنری کے ہاتھوں کیچ آو¿ٹ کروا کر اپنی چوتھی وکٹ حاصل کی۔
ویسٹ انڈیز کے کپتان ہیلی میتھیوز نے نگار سلطانہ کو ایلن کے ہاتھوں کیچ آو¿ٹ کروا کر بنگلہ دیش کو ساتواں جھٹکا دیا۔ سلطانہ نے سب سے زیادہ 39 رنز بنائے۔ فہیمہ خاتون دو رنز کے ذاتی سکور پر رن آو¿ٹ ہوئیں، رابعہ خان ایک رن اور ناہیدہ اختر دو رنز پر ناٹ آو¿ٹ رہیں۔
ویسٹ انڈیز کی جانب سے کرشمہ رام ہیرک نے سب سے زیادہ چار جبکہ ایفی فلیچر نے دو اور ہیلی میتھیوز نے ایک وکٹ حاصل کی۔