این سی پہلے مرحلے میں اچھی کاکردگی کا مظاہرہ کریگی:مہدی

سرینگر//
نیشنل کانفرنس(این سی) کے سینئر لیڈر اور رکن پارلیمان آغا سید روح اللہ نے امید ظاہر کی کہ جموںکشمیر اسمبلی انتخابات کے پہلے مرحلے کی پولنگ میں ان کی پارٹی کے امید وار شاندار کارکردگی کا مظاہرہ کریں گے ۔
مہدی نے کہا کہ لوگوں کو چاہئے کہ اس پارٹی پر بھروسہ کریں جو بی جے پی کے خلاف لڑ سکے ۔
این سی لیڈر نے ان باتوں کا اظہار منگل کو یہاں نامہ نگاروں کے ساتھ بات کرنے کے دوران کیا۔
لوک سبھا ممبر نے کہا’’میں نے اس مرحلے کیلئے اپنے امید واروں کیلئے وسیع پیمانے پر مہم چلائی‘جو لوگوں کا رسپانس ملا تو امید ہے کہ نیشنل کانفرنس کے امید وار بہت اچھی کاکردگی کا مظاہرہ کریں گے ‘‘۔
مہدی کا کہنا تھا’’ہمیں اس وقت سب سے زیادہ احتیاط کرنے کی ضرورت ہے ، لوگوں کو چاہئے کہ وہ اس پارٹی پر بھروسہ کریں جو بی جے پی کے خلاف لڑ سکے ‘‘۔
لوک سبھا نے کہا’’میں نیشنل کانفرنس کی طرف سے اعتماد دلانا چاہتا ہوں کہ ہم ایک بی جے پی کے عزائم کے خلاف لڑیں گے اور دوسرا لوگوں کے ووٹ کے ساتھ دھوکہ نہیں ہونے دیں جیسا کہ۲۰۱۴میں ہوا‘‘۔
انجینئر رشید کے بارے میں پوچھے جانے مہدی نے کہا کہ اچھی بات ہے کہ وہ میدان میں ہیں۔انہوں نے کہا’’لیکن وہ بی جے پی کے خلاف جموں میں لڑیں ہم چاہتے ہیں ہم خیال لوگ جڑ کر بی جے پی خلاف لڑیں‘‘۔
وزیر اعظم نریندر مودی کے دورہ کشمیر کے بارے میں ان کا کہنا تھا’’ہمیں ان سے کوئی امید نہیں ہے بلکہ ہم ملک کی عوام سے امید رکھتے ہیں۔‘‘