نئی دہلی//ہندوستانی ٹیم کے ایشیا کپ میں ملیشیا سے 3-3 سے ڈرا کھیلنے کی تعریف کرتے ہوئے سابق کھلاڑی دلیپ ٹرکی نے بھی اپنے سوشل میڈیا ہینڈل پر کوپوسٹ کرتے ہوئے لکھا کہ ٹیم انڈیا دو گول سے پیچھے رہنے کے بعد شاندارواپسی کرتے ہوئے 3-3 کے ڈراپر اچھی واپسی کی۔ سپر 4 ایس ٹیبل ٹاپر جنوبی کوریا کے خلاف اگلا میچ بہت دلچسپ ہونے والا ہے۔ اگلے میچ کا بے صبری سے انتظار ہے۔
ہندوستان نے ایشیا کپ میں اپنی پرجوش کارکردگی کو جاری رکھا اوراتوار کی شام سپر 4 میچ میں ملیشیا کے خلاف 3-3 سے ڈرا کھیلا۔ ہندوستان کے لئے وشنوکانت سنگھ، ایس وی سنیل، نیلم سنجیو جیس نے تین گول کئے۔ ملیشیا نے میچ کا آغاز کیا اور ٹورنامنٹ کے اہم کھلاڑی رضی رحیم نے پہلے کوارٹر میں اپنی ٹیم کو ایک گول کا فائدہ دینے کے لئے پنالٹی کارنر کو گول میں بدل دیا۔ رحیم نے دوبارایسا ہی کیااور ملیشیا نے ہاف ٹائم کے وقفے میں دو گول کی برتری حاصل کر لی۔ اس کے بعد وشنوکانت نے پنالٹی کارنر سے ہندوستان کے لیے گول کا آغاز کیا۔ اس کے بعد ایس وی سنیل نے پون راج بھر کے بہترین پاس کو گول میں تبدیل کیا۔ پھرنیلم نے ایک اور پنالٹی کارنر کو گول میں تبدیل کرکے اسکور بورڈ پر گنتی کو آگے بڑھایا، لیکن ملیشیا نے جلد ہی برابری حاصل کرلی اور رحیم ایک بار پھر اسکور شیٹ میں اپنانام درج کرایا۔
ساتھ ہی ہندوستانی کھلاڑی نیلم نے کہا، ’’ہم مضبوطی سے واپس آئیں گے۔ امید ہے ٹیموں کے لیے تعاون جاری رہے گا۔
سپر 4 میں پوائنٹس کے لحاظ سے کوریا سرفہرست ہے جبکہ ہندوستان دوسرے نمبر پر ہے۔ وہیں جاپان نے دو شکست کے بعد فائنل میں پہنچنے کا موقع گنوا دیا ہے۔ جبکہ صفر کے ساتھ، ملیشیا کے پاس فائنل میں جانے کا موقع اس وقت بنتاہے، جب وہ جاپان کو کم از کم 2 گول سے ہرائے اور ہندوستان و کوریا کے درمیان ہونے والا مقابلہ ڈرارہے۔