بغلیہار پاور پروجیکٹ میں تعینات سی آئی ایس ایف اہلکار کی فائرنگ میں ہیڈ کانسٹیبل زخمی

جموں/۲۹مئی
جموں وکشمیر کے ضلع رام بن میں بغلیہار پاور پروجیکٹ میں تعینات دو اہلکاروں کے درمیان آپسی بحث کے دوران فائرنگ کا واقع پیش آیا جس کے نتیجے میں ایک ہیڈ کانسٹیبل زخمی ہوا ہے ۔
سرکاری ذرائع نے بتایا کہ سی آئی ایس ایف کے اہلکار انسپکٹر سورج کمار نے تحریری طورپر شکایت درج کرائی ہے کہ معمولی بحث کے دوران اُس سے قتل کرنے کے ارادے سے دانش ملہا نامی ساتھی نے فائرنگ کی،انہوں نے بتایا کہ فائرنگ کے واقعے میں ہیڈ کانسٹیبل سریندر کمار زخمی ہوا جس کو علاج ومعالجہ کی خاطر ضلع ہسپتال رام بن منتقل کیا گیا ۔
معلوم ہوا ہے کہ آس پاس موجود دوسرے اہلکاروں نے ملزم اہلکار سے سروس رائفل چھین اُس کو دھر دبوچا۔پولیس نے معاملے کی نسبت کیس درج کرکے مزید تحقیقات شروع کی ہے ۔