ایشیا کپ 2025 کی میزبانی بھارت کے سپرد، فارمیٹ ٹی20 ہوگا

دوبئی//
ایشین کرکٹ کونسل (اے سی سی) نے اعلان کیا ہے کہ ایشیا کپ 2025 کی میزبانی بھارت کرے گا جبکہ یہ ایڈیشن ٹی20 فارمیٹ میں کھیلا جائے گا۔
ایشیا کپ کے مینز، ویمنز، انڈر 19 اور ایمرجنگ ٹورنامنٹس کے میزبان ممالک کا اعلان کر دیا گیا ہے۔
اے سی سی اعلامیے میں بتایا گیا ہے کہ 2025 کے بعد 2027 میں کھیلے جانے والا ایشیا کپ مجوزہ طور پر بنگلا دیش میں کھیلا جائے گا جبکہ اسکا فارمیٹ ون ڈے ہوگا۔
اسی طرح، 2026 کا ویمنز ایشیا کپ کا فارمیٹ ٹی20 ہوگا جب کہ انڈر 19 ایشیا کپ کے 2024 سے 2027 تک چاروں ایڈیشن ون ڈے فارمیٹ کے تحت ہی کھیلے جائیں گے۔
اعلامیے میں واضح کیا گیا ہے کہ ایشیا کپ کے شیڈول اور وینیوز ابھی حتمی نہیں ہیں جبکہ ٹورنامنٹس کی میزبانی یا شیڈول کسی بھی وقت بدلے جا سکتے ہیں۔
یاد رہے کہ گزشتہ ایشیا کپ کی میزبانی پاکستان کے پاس تھی البتہ بھارت کے پاکستان آنے سے انکار پر ہائبرڈ ماڈل کے تحت کچھ میچز سری لنکا میں کھیلے گئے تھے۔
ہندوستان 2025ء میں مردوں کے ایشیاء کپ کی میزبانی کرنے والا ہے، جو T20 فارمیٹ میں کھیلا جائے گا۔ مینز ایشیاء کپ کا 2027ء ایڈیشن ون ڈے فارمیٹ میں بدل جائے گا اور اس کی میزبانی بنگلہ دیش کرے گا۔ دونوں ٹورنامنٹس میں چھ ٹیمیں بھارت، پاکستان، سری لنکا، بنگلہ دیش، افغانستان اور چھٹی ٹیم شامل ہوں گی جس کا تعین کوالیفائنگ ایونٹ کے ذریعے کیا گیا ہے۔
ویمنز ایشیاء کپ کا اگلا ایڈیشن بھی ٹی ٹونٹی فارمیٹ میں کھیلا جائے گا اور یہ 2026ء میں شیڈول ہے۔ یہ معلومات ایشین کرکٹ کونسل (اے سی سی) کی جانب سے ہفتہ کو اظہارِ دلچسپی کی دعوت (آئی ای او آئی) دستاویز کے اجراء کے بعد سامنے آئی۔ یہ دستاویز دلچسپی رکھنے والی جماعتوں کو 2024ء سے 2027ء کی مدت کے لیے ایشین کرکٹ کونسل اسپانسرشپ کے حقوق کے لیے اپنے IEOI جمع کرانے کی دعوت دیتی ہے۔
دستاویز میں یہ بھی بتایا گیا کہ تمام تفصیلات بشمول نظام الاوقات، تاریخیں، فارمیٹس اور مقامات عارضی ہیں اور بغیر کسی ذمہ داری کے ACC کی صوابدید پر تبدیلی کے تابع ہیں۔