سڈنی//) ہندوستان اے کرکٹ خواتین کی ٹیم، جو اگست کے مہینے میں آسٹریلیا کے دورے پر آ رہی ہے، میزبان اے خواتین ٹیم کے ساتھ تین ون ڈے، ٹی 20 اور ایک چار روزہ میچ کھیلے گی۔
7 سے 25 اگست تک برسبین میں ٹی ٹوئنٹی سیریز، مکاؤ میں تین ون ڈے اور گولڈ کوسٹ میں چار روزہ میچ کھیلا جائے گا۔ آسٹریلیا کی نائب کپتان ٹالیا میک گرا ٹی ٹوئنٹی اور ون ڈے میچوں میں کپتانی کریں گی۔ چار روزہ میچ کی قیادت چارلی کریں گی۔ اس دوران کم گارتھ اور میگن شٹ جیسے کھلاڑی بھی کھیلتے نظر آئیں گی۔ میک گرا نے کہا کہ وہ اس سیریز اور ہندوستان اے کے چیلنجوں کے بارے میں بہت پرجوش ہیں۔
قومی سلیکٹر شان فلیگلر نے کہا کہ یہ دورہ اس سال ہونے والے ٹی ٹوئنٹی ورلڈ کپ کی تیاریوں میں بہت مددگار ثابت ہوگا۔
قابل ذکر ہے کہ بنگلہ دیش میں ہونے والے ٹی ٹوئنٹی ورلڈ کپ سے قبل آسٹریلیا کی ٹیم ستمبر کے وسط میں نیوزی لینڈ کے ساتھ تین میچوں کی ٹی ٹوئنٹی سیریز بھی کھیلے گی۔
