جموں وکشمیر میں بجلی نظام کو بہتر بنانے کے لئے اٹھارہ ہزار کروڑ روپیہ منظور کئے گئے : وزیر مملکت برائے بجلی

جموں/۲۳مئی
مرکزی وزیر مملکت برائے بجلی ‘کرشن پال نے پیر کے روز بتایا کہ مودی حکومت جموں وکشمیر کی ترقی کےلئے کافی سنجیدہ ہے ۔
پال نے بتایا کہ جموں وکشمیر میں بجلی نظام کو بہتر بنانے کی خاطر اٹھارہ ہزار کروڑ روپے منظور کئے گئے ہیں۔
ان باتوں کا اظہار وزیر مملکت نے سانبہ میں تقریب کے حاشیہ پر ذرائع ابلاغ کے نمائندوں سے بات چیت کے دوران کیا۔
وزےر مملکت نے بتایا کہ جموں وکشمیر کی ترقی کے حوالے سے موجودہ مرکزی حکومت کافی سنجیدہ ہے ۔انہوں نے کہا کہ جموں وکشمیر میں بجلی نظام کو بہتر بنانے کے لئے اٹھارہ ہزار کروڑ روپیہ منظور کئے گئے ہیں ۔اُن کے مطابق یوٹی میں بجلی سسٹم کو درست کرنے کی خاطر زمینی سطح پر اقدامات اُٹھائے جارہے ہیں ۔
پال نے بتایا کہ آئے روز مرکزی وزراءجموں وکشمیر کے دورے پر آئے ہیں جو اس بات کا ثبوت ہے کہ مرکزی حکومت یوٹی کی تعمیر وترقی اور یہاں کے لوگوں کے مسائل حل کرنے کی خاطر کافی سنجیدہ ہے ۔
اس سے قبل مقامی لوگوں کے ایک وفد نے مرکزی وزیر مملکت سے ملاقات کے دوران جائز مسائل اُبھارے ۔