جے پور// راجستھان میں انسداد بدعنوانی بیورو (اے سی بی) نے ڈڈو کے ضلع کلکٹر ہنومان مل ڈھاکہ اور پٹواری ڈوڈو ہنس راج کے خلاف رپورٹ درج کرکے تلاشی کی کارروائی کر رہی ہے ۔
اے سی بی ہیڈ کوارٹر کی ہدایت پر جمعہ کو پی سی ایکٹ کی دفعہ کے تحت رپورٹ درج کی گئی ہے اور ضلع کلکٹر کی رہائش گاہ ڈاک بنگلہ ڈوڈواور تحصیل آفس ڈوڈوکی تلاشی لی جارہی ہے ۔ بیورو کے ڈپٹی انسپکٹر جنرل آف پولیس I ڈاکٹر روی کی ہدایت پر ایڈیشنل سپرنٹنڈنٹ آف پولیس جے پور نگر II سریندر سنگھ کی قیادت میں تلاشی کی کارروائی کی جا رہی ہے ۔
ڈاکٹر روی نے بتایا کہ شکایت کنندہ کی طرف سے شکایت درج کرائی گئی تھی کہ ڈوڈو میں ان کی فرم کے نام پر 204 بیگھہ اراضی میں سے کچھ کھسرے تالاب میں ہونے کی وجہ سے اسے تبدیل کرنے کے تعلق سے ضلع کلکٹر کے پاس شکایت درج کرائی گئی تھی۔ تالا/پال ایریا میں کارروائی نہ کرنے کے بدلے میں ڈڈو کلکٹر اور پٹواری شکایت کنندہ سے 25 لاکھ روپے کا مطالبہ کر رہے تھے جس میں21 لاکھ روپے میں معاملہ طے ہواتھا۔
شکایت کنندہ کے کہنے پر کہ 21 لاکھ روپے زیادہ ہے ، بعد میں 15 لاکھ روپے ادا کرنے کا فیصلہ کیا گیا اور اس کے تحت کلکٹر نے اپنے ڈاک بنگلے پر 7.5 لاکھ روپے منگوائے جانے کی بات ریکارڈنگ میں واضح ہے ۔ بیورو کی جانب سے ابتدائی تحقیقات میں اس بات کی تصدیق کے بعد کہ ڈڈو کلکٹر ہنومان مل ڈھاکہ اور پٹواری ہنس راج نے رشوت طلب کی، ان دونوں کے خلاف پی سی ایکٹ کی دفعات کے تحت رپورٹ درج کی گئی ہے ۔ ابتدائی تحقیقات میں شکایت کنندہ کی شکایت جس میں رشوت کی مانگ کی تصدیق کا معاملہ پایا گیا ہے ، عدالت نے اینٹی کرپشن بیورو، جے پور سے سرچ وارنٹ حاصل کیا اور ان کی رہائش گاہ پر تلاشی کی کارروائی کی جارہی ہے ۔