انگلینڈ نے نیوزی لینڈ کو ٹی ٹوئنٹی میچ میں 27 رنز سے شکست دی

ڈنیڈن// کپتان ہیتھر نائٹ کی 63 رنز کی نصف سنچری اور اس کے بعد عمدہ گیند بازی کے دم پرانگلینڈ کی خواتین کرکٹ ٹیم نے پہلے ٹی 20 میچ میں نیوزی لینڈ کو 27 رنز سے شکست دے کر تین میچوں کی سیریز میں 1-0 کی برتری حاصل کرلی ہے۔
161 رنز کے ہدف کا تعاقب کرنے اتری نیوزی لینڈ ٹیم کا آغاز اچھا نہیں رہا اوراس نے پہلے ہی اوور میں ایزی گیج کا وکٹ گنوا دیا۔ وہ اپنا کھاتہ بھی نہ کھول سکیں۔ اس کے بعد کپتان سوزی بیٹس اور جارجیا پلمر کی جوڑی نے دوسرے وکٹ کے لیے 59 رنز جوڑے۔ جارجیا پلمر 21 اور میڈی گرین آٹھ کے ذاتی اسکور پر رن ​​آؤٹ ہوئیں۔ بیٹس 51 گیندوں میں 65 رنز بنانے کے بعد آؤٹ ہوئیں۔ بروک ہالیڈے 27 اور جیس کیر آٹھ رنز بنا کر ناٹ آؤٹ رہیں۔ نیوزی لینڈ کی ٹیم انگلینڈ کی سخت گیند بازی کے سامنے کھل کر نہ کھیل سکی اور مقررہ 20 اوورز میں پانچ وکٹوں پر صرف 135 رنز بنا سکی اور 27 رنز سے میچ ہار گئی۔
انگلینڈ کی جانب سے لارین بیل نے دو وکٹیں حاصل کیں۔ سارہ گلین نے ایک بلے باز کو آؤٹ کیا۔
اس سے قبل نیوزی لینڈ نے ٹاس جیت کر پہلے گیند بازی کا فیصلہ کیا۔ بیٹنگ کرنے اتری انگلینڈ کے سلامی بلے باز نے پہلے وکٹ کے لیے 27 رنز جوڑے۔ انگلینڈ کو پہلا جھٹکا پانچویں اوور میں ٹیمی بیومونٹ 15 رنز کی صورت میں لگا۔ صوفیہ ڈنکلے آٹھویں اوور میں 32 رنز بنا کر پویلین لوٹ گئیں۔ اس کے بعد ہیتھر نائٹ اور مایا بشیئر کی جوڑی نے تیسرے وکٹ کے لیے 91 رنز کی شراکت قائم کرکے اسکور کو 152 تک پہنچایا۔ نائٹ نے 39 گیندوں میں آٹھ چوکوں اور ایک چھکا کی مدد سے 63 رنز بنائے۔ بشیئر 40 گیندوں پر 43 رنز بنانے کے بعد ناٹ آؤٹ رہیں۔ ایمی جونز دو رنز بنانے کے بعد آؤٹ ہوئیں۔ انگلینڈ نے مقررہ 20 اوورز میں چار وکٹوں پر 160 رنز بنائے۔ نیوزی لینڈ کی جانب سے جیس کیر، فران جوناس اور لیا تاہوہو نے ایک ایک وکٹ حاصل کیا۔