کیجریوال کو ای ڈی سمن کیس میں ضمانت ملی

نئی دہلی// شراب پالیسی سے متعلق مبینہ منی لانڈرنگ کے معاملے میں بار بار سمن جاری کرنے پر پوچھ گچھ کے لیے انفورسمنٹ ڈائریکٹوریٹ (ای ڈی) کے سامنے پیش نہ ہونے کے ملزم دہلی کے وزیر اعلی اروند کیجریوال ہفتہ کو دہلی کی ایک عدالت میں پیش ہوئے جہان سے انہیں مشروط ضمانت مل گئی۔
راؤز ایونیو میں واقع ایڈیشنل چیف میٹرو پولیٹن مجسٹریٹ (اے سی ایم ایم) دیویا ملہوترا کی عدالت نے متعلقہ فریقوں کے دلائل سننے کے بعد مسٹر کیجریوال کی درخواست ضمانت 15000 روپے کے ضمانتی مچلکے یا اتنے ہی روپے کی ضمانتی رقم پیش کرنے کی شرط پر منظور کرلی۔
ای ڈی کی جانب سے عدالت میں پیش ہوئے ایڈیشنل سالیسٹر جنرل ایس وی راجو نے الزام لگایا کہ مسٹر کیجریوال جان بوجھ کر پوچھ گچھ میں تاخیر کر رہے ہیں۔
مسٹر کیجریوال کی طرف سے سینئر وکیل رمیش گپتا اور وکیل راجیو موہن نے عدالت میں پیش ہوئے ۔
ای ڈی نے عدالت سے شکایت کی تھی کہ منی لانڈرنگ کی روک تھام ایکٹ (پی ایم ایل اے ) کے دفعات کے تحت کئی بار سمن بھیجنے کے بعد بھی مسٹر کیجریوال پوچھ گچھ کے لیے اس کے سامنے حاضر نہیں ہوئے ۔
قبل ازیں مسٹر کیجریوال 17 فروری کو ورچوئل میڈیم کے ذریعہ اے سی ایم ایم کورٹ میں پیش ہوئے تھے ۔ اس دن انہوں نے کہا تھا کہ وہ 16 مارچ کو ذاتی طور پر عدالت میں پیش ہوں گے ، لیکن اس سے دو دن قبل انہوں نے سیشن کورٹ کے اے سی ایم ایم کورٹ میں پیش ہونے کے حکم کو چیلنج کیا تھا۔ سیشن کورٹ نے جمعہ کو مسٹر کیجریوال کی عرضی کو خارج کر دیا تھا۔ اس کے بعد وہ جمعہ کو سخت سیکورٹی کے درمیان اے سی ایم ایم کورٹ میں پیش ہوئے ۔
عدالت مسٹر کیجریوال کی سی آر پی سی کی دفعہ 207 کے تحت دستاویزات کی فراہمی کی درخواست پر یکم اپریل کو سماعت کرے گی۔