ای سی آئی کی پولیس اور سیول انتظامیہ کے سینئر افسران سے میٹنگ

سرینگر//
الیکشن کمیشن آف انڈیا(ای سی آئی) کے ایک اعلیٰ سطحی وفد نے سرینگر میں پولیس اور سیول انتظامیہ سے وابستہ سینئر آفیسران کے ساتھ میٹنگ کی جس دوران جموں وکشمیر کی سیکورٹی صورتحال اور لوک سبھا انتخابات کے حوالے سے کی جارہی تیاریوں کے بارے میں چیف الیکشن کمیشن کو جانکاری فراہم کی گئی۔
ذرائع نے بتایا کہ چیف الیکشن کمیشن آف انڈیا راجیو کماراور پولنگ پینل کے دوسرے عہدیداروں نے سرینگر میں پولیس اور ضلعی انتظامیہ کے سینئر آفیسران کے ساتھ ایک میٹنگ کی ۔
معلوم ہوا ہے کہ اس اعلیٰ سطحی میٹنگ میں اے ڈی جی پی لا اینڈ آر ڈر وجے کمار ، آئی جی کشمیر ودھی کمار بردی ، صوبائی کمشنر کشمیر کے علاوہ دیگر سینئر عہدیداروں نے شرکت کی۔
ذرائع کا کہنا ہے کہ میٹنگ کے دوران الیکشن کمیشن آف انڈیا کے عہدیداروں کو پارلیمانی انتخابات کے حوالے سے کی جارہی تیاریوں کے بارے میں آگاہی فراہم کی گئی۔
پولیس کے سینئر آفیسران نے الیکشن کمیشن آف انڈیا کے ارکان کو بتایا کہ جموں وکشمیر میں سیکورٹی کے پختہ انتظامات کئے گئے ہیں جبکہ اضافی دستوں کی بھی تعیناتی عمل میں لائی جارہی ہے ۔
ذرائع نے مزید کہاکہ الیکشن کمیشن آف انڈیا کے وفد کو ای وی ایم مشینوں کے بارے میں بھی بریف کیا گیا۔ان کے مطابق میٹنگ کے دوران جموں وکشمیر کی مجموعی سیکورٹی صورتحال پر بھی سینئر آفیسران کے ساتھ تبادلہ خیال ہوا۔
بتادیں کہ لو ک سبھا انتخابات کو پر امن اور شفاف طریقے سے پایہ تکمیل تک پہنچانے کی خاطر الیکشن کمیشن آف انڈیا کی جانب سے زمینی سطح پر اقدامات کئے جارہے ہیں۔