ہند و پاک میںماہ رمضان المبارک کا چاند نظر آیا

نئی دہلی/سرینگر//
ہند وپا ک میں رمضان المبارک کا چاندنظر آگیا ہے ۔منگل ۲۱ مارچ کو رمضان المبارک کی پہلی تاریخ ہو گی ۔
امارت شرعیہ ہند کے ایک بیان میں کہا گیا ہے کہ آج بعد نماز مغرب رئویت ہلال کمیٹی امارت شرعیہ ہند کی میٹنگ مولانا نیاز احمد فاروقی صاحب سکریٹری جمعیتہ علما ء ہند کے زیر صدارت، امارت شرعیہ ہند کے مرکزی دفتر ۱۔بہادر شاہ ظفر مارگ نئی دہلی میں منعقد ہوئی۔
چاند دیکھنے کا اہتمام کیا گیا۔ دہلی سمیت ملک کے بیشتر مقامات سے بھی رویت عامہ کی اطلاعات موصول ہوئیں۔
اس لیے رئویت ہلال کمیٹی امارت شرعیہ ہند اعلان کرتی ہے کہ۹۲کی رویت شرعاً ثابت ہوگئی ہے۔ کل بتاریخ۱۲مارچ۲۰۲۴ء بروز منگل ماہ رمضان المبارک ۵۴۴۱ھ کی پہلی تاریخ ہوگی۔سبھی لوگوں کو رمضان المبارک کی آمد مبارک ہو۔
دریں اثنا مفتی اعظم ناصر الاسلام نے اعلان کیا ہے کہ جموں و کشمیر میں رمضان المبارک کا مقدس مہینہ ۱۲ مارچ سے شروع ہوگا کیونکہ آج رات چاند نظر آیا ہے۔
ناصرالاسلام نے کہا کہ رویت ہلال کمیٹی کے رکن میرواعظ عمر فاروق، مولانا رحمت اللہ اور دیگر کمیٹی کے دیگر اسلامی اسکالرز کے ساتھ مکمل مشاورت کے بعد متفقہ طور پر فیصلہ کیا گیا ہے کہ جموں و کشمیر میں ماہ صیام کا پہلا دن منگل کو ہوگا۔
اس موقع پر مفتی ناصر السلام نے ماہ صیام کے آغاز کے موقع پر جموں و کشمیر کے عوام کو مبارکباد پیش کرتے ہوئے کہا کہ لوگ اس مہینے میں نماز اور قرآن مجید کی تلاوت کریں اور اللہ تعالیٰ سے توبہ کریں۔
ایسے میں وادی کشمیر کے مختلف مساجد میں نماز تراویح ادا کرنے اور۱۲ مارچ کو رمضان المبارک کے پہلے روزے کا اعلان کیا گیا ہے۔
اس دوران پاکستان میں رمضان المبارک۱۴۴۵ ہجری کا چاند نظر آگیا ہے اورکل بروز منگل پہلا روزہ ہوگا اور آج پہلی تراویح ہوگی۔
ادھر سعودی عرب اور دیگر چند خلیجی ممالک میں ۱۰مارچ کو ہی چاند نظر آنے کی تصدیق ہوئی تھی جس کے مطابق مذکورہ ممالک میں ۱۱ مارچ کو رمضان کا پہلا روزہ تھا۔