کشتی الٹنے سے ریسکیو مشن پر مامور پیرو پولس کے 2 اہلکاروں کی موت

لیما///
پیرو کی وزارت داخلہ نے پیر کے روز بتایا کہ جنوبی اریکیپا علاقے میں مجز ندی میں ریسکیو مشن کے دوران کشتی الٹنے سے پیرو کی قومی پولس کے دو ارکان کی موت ہو گئی۔
مبینہ طور پر حادثے کے شکار کشتی پر سات افسران کشتی پر سوار تھے، جو لاپتہ کان کنوں کی تلاش کرنے کے مشن پر جا رہے تھے جو کچھ دن پہلے دریا کے کنارے لاپتہ ہو گئے تھے۔ دیگر پانچ کو معمولی زخموں کی حالت میں مقامی اسپتال لے جایا گیا۔مقامی میڈیا کے مطابق، پرسی کورنل کونڈوری اور جارج مارکیز مارٹینیز کی لاشیں کشتی الٹنے کے چند گھنٹے بعد برآمد ہوئی ہيں۔پولس ذرائع کے حوالے سے نیوز براڈکاسٹر ریڈیو پروگراماس ڈیل پیرو نے کہا کہ ممکنہ طور پر اریکیپا کے کاسٹیلا میں ضلع اپلاؤ میںبہنے والی ندی کے "تیز کرنٹ” کی وجہ سے یہ حادثہ پیش آیا۔
ذرائع نے بتایا کہ "ہمیں نہیں معلوم کہ افسران کے پاس اس قسم کے کام کے لیے ضروری حفاظتی سامان موجود تھا یا نہیں۔”