کرائسٹ چرچ ///
پاکستان کیخلاف سیریز کے چوتھے ٹی20 میچ سے قبل کیوی اوپنر ڈیون کانوے کورونا وائرس میں مبتلا ہوگئے۔
میڈیا رپورٹس کے مطابق کیوی اوپنر ڈیون کانوے پاکستان کے خلاف چوتھے ٹی20 میچ سے قبل کوویڈ-19 کا شکار ہوئے جس کے باعث انہیں پلئینگ الیون میں شامل نہیں کیا گیا۔
کیوی بیٹر کے علاوہ بالنگ کوچ آندرے ایڈمز کا بھی کوویڈ ٹیسٹ مثبت آیا ہے، جس کی وجہ سے انہیں بھی قرنطینہ کردیا گیا ہے۔
قبل ازیں مچل سینٹنر پہلے ٹی20 میچ سے قبل کورونا وائرس کا شکار ہوئے تھے۔
واضح رہے کہ ڈیون کانوے پاکستان کے خلاف سیریز کے ابتدائی تین میچز میں کوئی کارکردگی دیکھانے میں ناکام رہے ہیں، انہوں نے محض 27 رنز بنائے ہیں۔
پاکستان کیخلاف سیریز میں نیوزی لینڈ کو 0-3 کی واضح برتری حاصل ہے۔