نئی دہلی// نائب صدر جمہوریہ ہند جگدیپ دھنکھڑ 6 جنوری کو ہماچل پردیش کے دورے پر ہوں گے اور کئی تقاریب میں شرکت کریں گے ۔
نائب صدر سکریٹریٹ نے جمعرات کو یہاں بتایا کہ مسٹر دھنکھڑ ایک روزہ دورے کے دوران نیشنل انسٹی ٹیوٹ آف ٹیکنالوجی -این آئی ٹی، ہمیر پور کا دورہ کریں گے ۔ وہ ‘ترقی پذیر ہندوستان-2047 میں نوجوانوں کا کردار’ کے موضوع پر طلبہ سے خطاب کریں گے ۔ وہ طلباء سے بھی بات چیت کریں گے ۔
نائب صدر جمہوریہ ہماچل پردیش میں تعلیم تک رسائی کو بڑھانے کے لیے کوشاں ایک پہل ‘ایک سے شریشٹھ’ کے 500ویں مرکز کی افتتاحی تقریب میں بھی مہمان خصوصی ہوں گے ۔ اس موقع پر مسٹر دھنکھڑ بچوں کے ساتھ ایک ڈائیلاگ سیشن میں بھی حصہ لیں گے ۔