راجستھان قانون ساز اسمبلی کے اسپیکر کی صدر اور نائب صدر سے ملاقات

نئی دہلی// راجستھان اسمبلی کے اسپیکر واسودیو دیونانی نے منگل کو صدر دروپدی مرمو اور نائب صدر جگدیپ دھنکھر سے ملاقات کی۔
راجستھان اسمبلی کے اسپیکر نے راشٹرپتی بھون میں مسز مرمو سے ملاقات کی۔ اس موقع پر مسٹر دیونانی نے صدر جمہوریہ کو گلدستہ پیش کیا اور انہیں نئے سال کی مبارکباد دی۔ راشٹرپتی بھون میں تقریباً 20 منٹ تک جاری رہنے والی اس میٹنگ میں صدر نے مسٹر دیونانی کو ان کی نئی ذمہ داری کے لیے مبارکباد دی۔ اس کے بعد راجستھان اسمبلی کے اسپیکر نے مسٹر دھنکھر سے ان کی سرکاری رہائش گاہ پر ملاقات کی اور انہیں نئے سال کی مبارکباد دی۔
قابل ذکر ہے کہ اسمبلی اسپیکر کا عہدہ سنبھالنے کے بعد مسٹر دیونانی کا دہلی کا یہ پہلا دورہ ہے ۔