امت شاہ کی جموں و کشمیر پر اعلی سطحی سیکورٹی جائزہ اجلاس کی صدارت

نئی دہلی/2جنوری
مرکزی وزیر داخلہ امیت شاہ نے منگل کو جموں و کشمیر پر ایک اعلیٰ سطحی سکیورٹی جائزہ اجلاس کی صدارت کی۔
اجلاس میں وزیر داخلہ سیکورٹی گرڈ کے کام کاج اور سیکورٹی سے متعلق مختلف پہلوو¿ں کا جائزہ لیں گے۔
بتایا جاتا ہے کہ وزیر داخلہ مرکز کے زیر انتظام علاقے میں حالیہ حملوں کے پیش نظر جموں و کشمیر میں سیکورٹی کا جائزہ لے رہے ہیں۔
میٹنگ میں شاہ نے جموں و کشمیر میں تعینات پولیس، فوج اور سینٹرل آرمڈ پولیس فورسز (سی اے پی ایف) کے درمیان بہتر کوآرڈینیشن اور علاقے پر مکمل غلبہ حاصل کرنے پر بھی توجہ مرکوز کی۔
وزیر داخلہ نے مرکز کے زیر انتظام علاقے میں مقامی انٹیلی جنس کو فروغ دینے اور مضبوط کرنے کی ضرورت پر بھی زور دیا۔
معلوم ہوا ہے کہ وزیر داخلہ علاقے پر غلبہ پلان، زیرو ٹیرر پلان، لاءاینڈ آرڈر کی صورتحال، یو اے پی اے سے متعلق معاملوں اور سیکورٹی سے متعلق دیگر امور کا جائزہ لیں گے۔
یہ میٹنگ گزشتہ سال 21 دسمبر کو راجوری کے پونچھ علاقے میں ڈیرہ کی گلی سے گزرنے والی فوج کی دو گاڑیوں پر دہشت گردوں کی فائرنگ کے بعد شروع ہونے والے انکاو¿نٹر میں چار فوجیوں کی ہلاکت اور تین کے زخمی ہونے کے چند دن بعد منعقد کی گئی تھی۔
گزشتہ سال نومبر میں راجوری کے کالاکوٹ میں فوج اور اس کی اسپیشل فورسز کے انسداد دہشت گردی آپریشن کے بعد کارروائی میں دو کیپٹنوں سمیت پانچ فوجی بھی مارے گئے تھے۔
اپریل اور مئی 2023 میں راجوری پونچھ علاقے میں دو حملوں میں 10 فوجی مارے گئے تھے۔ یہ خطہ 2003 سے 2021 کے درمیان بڑی حد تک دہشت گردی سے پاک رہا تھا، جس کے بعد اکثر مقابلے ہونے لگے۔ علاقے میں انسداد دہشت گردی کی کارروائیوں کے دوران 35 سے زائد فوجی ہلاک ہو چکے ہیں۔