برازیل میں پولس اور گینگ کے درمیان فائرنگ۔ 7 افراد ہلاک

ریو دی جنیرو//
جنوبی برازیل میں پولس اور جرائم پیشہ گروہ کے مشتبہ ارکان کے درمیان اتوار کے روز فائرنگ کے تبادلے میں کم از کم سات مشتبہ افراد ہلاک ہو گئے۔
ملٹری پولس کے حوالے سے میڈیا رپورٹ میں کہا گیا کہ فائرنگ اتوار کی صبح جنوبی پرانا ریاست کے راجدھانی شہر کیوریٹیبا کے ضلع پارولن میں اس وقت ہوئی جب مقامی لوگوں نے 50 سے زیادہ گولیوں کی آوازیں سننے اور مشتبہ افراد کو ہتھیار کے ساتھ سڑکوں پر گردش کرتے ہوئے دیکھا۔
جائے وقوعہ پر پہنچنے کے پولس کو گولیوں کی بوچھار کا سامنا کرنا پڑا جس کے نتیجے میں شدید فائرنگ کا تبادلہ ہوا۔
ملٹری پولس نے کہا کہ انہیں جائے وقوعہ سے 10 ہتھیار، دو بلٹ پروف جیکٹیں، AK-47 کارتوس اور پستول کو طویل فاصلے تک مار کرنے والے آتشیں اسلحے میں تبدیل کرنے کا سامان ملا ہے۔
رپورٹ کے مطابق ابتدائی فائرنگ کی وجہ منشیات کی فروخت کے کاروبار پر قابو پانے کے لیے لڑنے والے حریف گروہ کی لڑائی تھی۔