ٹھاکر نے نئے سال کا کیلنڈر جاری کیا

نئی دہلی// اطلاعات و نشریات کے وزیر انوراگ سنگھ ٹھاکر نے ہفتہ کو حکومت ہند کا سال 2024 کا کیلنڈر جاری کیا جس کا موضوع ہے ‘‘ہماری عزم ترقی یافتہ ہندوستان’’ ہے ۔
یہ کیلنڈر وزیر اعظم نریندر مودی کی قیادت میں حکومت کی پالیسیوں کے ذریعے لوگوں کی زندگیوں میں سماجی، ثقافتی اور اقتصادی تبدیلیوں کی عکاسی کرتا ہے ۔
اس موقع پر مسٹر ٹھاکر نے کہا کہ ملک نے خود کفالت کی سمت میں بہت ترقی کی ہے ۔ انہوں نے کہاکہ [؟]وہ ملک جو موبائل فونز کا دوسرا سب سے بڑا درآمد کنندہ تھا آج دوسرا بڑا مینوفیکچرر ہے ۔ وہ ملک جو کبھی ویکسین درآمد کرتا تھا اب ویکسین میتری کے تحت پوری دنیا میں ویکسین تقسیم کر رہا ہے ۔
انہوں نے کہا کہ آج ہندوستان نے مینوفیکچرنگ کے میدان میں بے پناہ کامیابی حاصل کی ہے ۔ ان علاقوں میں بھی جہاں ہندوستان کی موجودگی نہ ہونے کے برابر تھی، اب وہ ایک اہم طاقت بن چکا ہے ۔ اس کی مثال دیتے ہوئے مسٹر ٹھاکر نے کہا کہ ہندوستان آج تیسرا سب سے بڑا اسٹارٹ اپ ایکو سسٹم ہے ۔
مرکزی وزیر نے کہا کہ حکومت خواتین کو بااختیار بنانے کو سب سے اہم سمجھتی ہے اور یہ ایک طرف اجولا یوجنا اور دوسری طرف ڈرون دیدی کی شکل میں ظاہر ہوتا ہے ۔ کسانوں کی بہبود کے بارے میں انہوں نے کہا کہ موجودہ حکومت نے خود سوامی ناتھن کمیٹی کی رپورٹ کو لاگو کیا۔
انہوں نے کہا کہ اس کے علاوہ حکومت نے کسانوں کی خوشحالی پر اب تک 2.8 لاکھ کروڑ روپے خرچ کیے ہیں۔
انہوں نے کہا کہ شفافیت اور جوابدہی اس حکومت کے آئیڈیل ہیں اور ان اقدار نے ہندوستان کو جو کبھی پانچ کمزور ترین معیشتوں میں سے ایک سمجھا جاتا تھا، آج دنیا کی پانچویں بڑی معیشت کے مقام پر پہنچا دیا ہے ۔