جموں/28 دسمبر
جموں و کشمیر کے لیفٹیننٹ گورنر منوج سنہا کا کہنا ہے کہ پبلک سروس کمیشن (پی ایس سی) یا جموں وکشمیر سروس سلیکشن بورڈ (جے کے ایس ایس بی) کے تحت مشتہر کی گئی اسامیوں کو 6 ماہ کے اند ر پُر کیا جائے گا۔
سنہا نے کہا کہ اس کے علاوہ پرائیویٹ سیکٹر میں دیویانگجن کے لئے روز گار کے مواقع کو یقینی بنانے کے لئے ایک قانونی فریم ورک تیا کیا جائے گا۔
لیفٹیننٹ گورنر نے ان باتوں کا اظہار جمعرات کو یہاں’پرپل فیسٹول‘کا افتتاح کرنے کے بعد’ایکس‘پر اپنے سلسلہ وار پوسٹس میں کیا۔
سنہا نے کہا”گذشتہ مالی سال کے دوران 384 دیویانگ جنوں کو سرکاری ملازمتیں فراہم کی گئیں“۔ان کا کہنا تھا”ریزرویشن میں بھی 3 سے 4 فیصد اضافہ کیا گیا ہے “۔
ایل جی نے کہا”پی ایس سی یا جے کے ایس ایس بی کے تحت اسامیوں کو 6 ماہ کے اندر پُر کیا جائے گا ہم پرائیویٹ سیکٹر میں دیویانگجن کے لئے روز گار کے مواقع کو یقینی بنانے کے لئے ایک قانونی فرایم ورک تیار کریں گے “۔
سنہا نے کہا کہ نجی کمپنیوں اور انفرادی انو ویٹرز نے گذشتہ برسوں میں نئی ٹیکنالوجی میں متاثر کن پیش قدمی کی ہے ۔
ایل جی نے کہا”میں ان سے درخواست کرتا ہوں کہ وہ دیویانگجن کے لئے صارف دوست آلات تیار کریں جو ان کی بحالی کے عمل اور با اختیار بنانے میں مدد گار ثابت ہوں گے “۔
بتادیں کہ جموں وکشمیر گو کے بعد ملک کی دوسری جگہ ہے جہاں دو روزہ’پرپل فیسٹول‘کا انعقاد کیا جا رہا ہے ۔
