جونپور:// ) اترپریش کے ضلع جونپور کے بکسا تھانہ علاقے میں فتح گنج بازار کے نزدیک تین دن قبل صرافہ کاروباری امیش کے قتل و لوٹ کی واردات کو انجام دینے والے تین بدمعاشوں کو پولیس ٹیم نے آج گرفتار کرلیا۔
ایس پی ڈاکٹر اجئے پال شرما نے آج یہاں بتایا کہ 23دسمبر کی دیر شام بائیک سوار بدمعاشوں نے بکسا تھانہ علاقے کے فتح گنج بازار کے نزدیک زیورات کاروباری امیش سیٹھ کو لوٹنے کے بعد گولی مار کرقتل کردیا تھا۔ اس واقعہ کے انکشاف و ملزمین کی گرفتار کے لئے سات ٹیمیں تشکیل دی گئی تھیں۔ٹیمیں لگاتار اس پر کام کررہی تھیں۔
انہوں نے بتایا کہ منگل کی دیر رات پولیس ٹیم تھانہ بکسا میں گاڑیوں کی چیکنگ کررہی تھی کہ چراون پور موڑ کے نزدیک ایک موٹر سائیکل آتی دکھائی دی۔ جسے پولیس ذریعہ روکنے کی کوشش کی گئی تو موٹر سائیکل سوار بدمعاشوں نے پولیس پر فائرنگ کردی۔
پولیس کی جوابی فائرنگ میں دو بدمعاش وکاس یادو عرف بھنڈو ولد سگریو یادو، شبھم یدو ولد بچولے عرف بچن یادو گولی لگنے سے زخمی ہوگئے ۔ زخمی بدمعاشوں کو ابتدائی علاج کے لئے سی ایچ سی نوپیڑوا بھیجا گیا اور بہتر علاج کے لئے ضلع اسپتال جونپور ریفر رکردیا گیاہے ایک دیگر ملزم منی عرف صوبیدار یادو ولد پورن ماسی یادو موقع سے فرار ہوتے وقت گرفتار کرلیا گیا۔