نئی دہلی// وزیر اعظم نریندر مودی منگل 26 دسمبر کو صبح 10:30 بجے نئی دہلی کے بھارت منڈپم میں ‘ویر بال دیوس’ کے موقع پر منعقد پروگرام میں شرکت کریں گے ۔ اس موقع پر مسٹر مودی دہلی میں نوجوانوں کے مارچ پاسٹ کو بھی جھنڈی دکھائیں گے ۔
اس دن کو منانے کے لیے حکومت ملک بھر میں پروگراموں کا انعقاد کر رہی ہے تاکہ شہریوں بالخصوص چھوٹے بچوں کو صاحبزادوں کی مثالی جرات کی داستان سے آگاہ کیا جا سکے ۔ ملک بھر کے اسکولوں اور بچوں کی نگہداشت کے اداروں میں صاحبزادوں کی زندگی اور قربانیوں پر مشتمل ڈیجیٹل نمائش لگائی جائے گی۔
‘ویر بال دیوس’ پر ایک فلم بھی ملک بھر میں دکھائی جائے گی۔ اس کے علاوہ مختلف آن لائن مقابلے ہوں گے جیسے انٹرایکٹو کوئز جو مائی بھارت اور مائی گورنمنٹ پورٹل کے ذریعے کروایا جائے گا۔
9 جنوری 2022 کو شری گرو گوبند سنگھ جی کے پرکاش پرو کے موقع پر وزیر اعظم نے اعلان کیا تھا کہ 26 دسمبر کو ‘ویر بال دیوس’ کے طور پر منایا جائے گا۔