ورلڈ ٹیسٹ چیمپئن شپ میں پہلے آسٹریلیا کا سامنا کرنا فائدہ مند ہوگا :شان مسعود

پرتھ// پاکستان کے کپتان شان مسعود کا ماننا ہے کہ آئی سی سی ورلڈ ٹیسٹ چیمپئن شپ 2023-25 ​​کے تناظر میں آسٹریلیا کے خلاف آئندہ ٹیسٹ سیریز نہ صرف دلچسپ ہوگی بلکہ اس سے ٹیم کو خود کو جانچنے کا کافی موقع ملے گا۔
پاکستان جمعرات سے آسٹریلیا کے خلاف تین ٹیسٹ میچوں کی سیریز کا آغاز کرے گا۔ یہ چار سال میں ریڈ بال کرکٹ کھیلنے والا پاکستان کا پہلا دو طرفہ دورہ ہوگا۔ میچ کے موقع پر مسعود نے نامہ نگاروں کو بتایا، “آسٹریلیا اس بات کا اندازہ لگانے کے لیے بہترین جگہ ہو گی کہ ورلڈ ٹیسٹ چیمپئن شپ میں میری ٹیم کہاں ہے۔ جب آپ بڑی تصویر کے بارے میں بات کرتے ہیں، تو وہ ورلڈ ٹیسٹ چیمپئن شپ ہے۔ لہذا ہر ٹیسٹ میچ، ہر پوائنٹ اہمیت رکھتا ہے۔ یہ دو سال کا سائکل ہے، اس لیے ہمارے پاس بہت سے دوسرے ٹیسٹ میچ بھی ہیں۔ تو آسٹریلیا شروع کرنے کے لیے بہترین جگہ ہے۔ "یہ اندازہ لگانے کے لیے بہترین جگہ ہے کہ ہم ایک ٹیم کے طور پر کہاں ہیں اور وہاں سے آگے بڑھ سکتے ہیں۔”
پاکستان نے آخری بار 1995 میں آسٹریلیا میں ٹیسٹ جیتا تھا۔ اس کے بعد سے وہ ملک میں لگاتار 14 ٹیسٹ ہار چکے ہیں۔ تاہم مسعود پاکستان کے ماضی سے زیادہ پریشان نہیں ہیں اور چاہتے ہیں کہ ان کی ٹیم پوری توجہ موجودہ سیریز کی تیاری پر مرکوز رکھے۔
کپتان نے مزید کہاکہ ٹیم کی حیثیت سے ہم نے موافقت کے بارے میں بات کی، چاہے ہم کرکٹ کراچی میں کھیلیں یا پرتھ میں، میرے لیے یہ زیادہ اہم ہے کہ پاکستانی ٹیم مختلف حالات میں کتنی جلدی ڈھل سکتی ہے۔
ان کا مزید کہنا تھا کہ اگر ہم مسلسل 5 دن اچھی کرکٹ کھیلتے ہیں تو مجھے یقین ہے کہ ہم صحیح نتائج حاصل کر سکیں گے، اس کھیل کی خوبصورتی یہی ہے کہ آپ کو ہر بار کچھ مختلف کرنے کا موقع ملتا ہے اور ہم یہی کرتے ہیں، ہم پرجوش ٹیسٹ کرکٹ کھیلنا چاہتے ہیں اور اگر نتیجہ ہمارے مطابق آیا تو ٹھیک ہے ورنہ ہم واپس جا کر اپنی غلطیوں کو سدھارنے کی کوشش کریں گے۔
شان مسعود نے کہا کہ مجھے اپنی ٹیم میں بہت زیادہ صلاحیت نظر آتی ہے، بہت سے کرکٹرز پاکستان کو آگے لے جا سکتے ہیں اور ہمارے پاس یہ اچھی کرکٹ کھیلنے اور یہ دکھانے کے لیے ہے ایک بہترین موقع ہے کہ ہم بہترین ٹیم سے بھی مقابلہ کر سکتے ہیں۔
شان مسعود نے بتایا کہ اگر ہم یہ سیریز جیت جاتے ہیں تو یہ ہمارے لیے انتہائی اہم ہوگا، ہمیں ابھی کئی ٹیسٹ میچز کھیلنے ہیں، آسٹریلیا اس کی شروعات کے لیے بہترین جگہ ہے، یہ ہمارے لیے دنیا کی بہترین ٹیم کے خلاف بہترین کرکٹ کھیلنے کا شاندار موقع ہے اور ہمیں اس چیلنج کا انتظار ہے۔
پاکستان نے اس سال کے شروع میں سری لنکا کے خلاف 2-0 سے سیریز جیتنے کے دوران جارحانہ انداز اپنایا تھا۔ مسعود نے کہا کہ ٹیم آسٹریلیا کے خلاف بھی اسی حکمت عملی پر عمل کرے گی۔ انہوں نے کہا، “یہ کھلاڑیوں کا وہی گروپ ہے۔ ۔ ہم واقعی اس دلچسپ چیلنج کے منتظر ہیں۔”